الماتىدا تۇرعىن ءۇيدىڭ قابىرعاسىنا جازۋ جازعان قىز بەس تاۋلىككە اكىمشىلىك قاماققا الىندى، دەپ حابارلايدى "ادىرنا" ۇلتتىق پورتالى.
وقيعا نازارباەۆ داڭعىلىنداعى «رايىمبەك» تۇرعىن ءۇي كەشەنىندە كەشكى ۋاقىتتا بولعان. جەتىسۋ اۋدانىنىڭ پوليتسيا باسقارماسى قىزمەتكەرلەرى عيماراتتىڭ قابىرعاسىنا جازۋ جازعان قىزدى انىقتادى.
اتالعان دەرەك بويىنشا پوليتسيا قىزمەتكەرلەرى ۇساق بۇزاقىلىق فاكتىسىمەن اكىمشىلىك حاتتاما تولتىرىپ، ماتەريالداردى سوتقا جولداعان. سوت شەشىمىمەن قۇقىق بۇزۋشى كىنالى دەپ تانىلىپ، وعان بەس تاۋلىك اكىمشىلىك قاماققا الۋ جازاسى تاعايىندالدى.
پوليتسيا وكىلدەرى تۇرعىن ۇيلەردىڭ قابىرعالارى، كىرەبەرىستەرى مەن قوعامدىق ورىندار ورتاق مۇلىك سانالاتىنىن ەسكە سالدى. ۆەدومستۆو مۇنداي ارەكەتتەر مۇلىكتىڭ بۇلىنۋىنە جانە تۇرعىندارعا قوسىمشا شىعىن كەلتىرۋى مۇمكىن ەكەنىن اتاپ ءوتتى. وسىنداي قۇقىق بۇزۋشىلىقتار ءۇشىن زاڭنامادا جاۋاپكەرشىلىك كوزدەلگەن.
