«بولاشاق» باعدارلاماسى بويىنشا ەندى باق قىزمەتكەرلەرى تاعىلىمدامادان وتە الادى، دەپ حابارلايدى “ادىرنا” ۇلتتىق پورتالى.
جۋرناليست، رەجيسەر، وپەراتور، گرافيستەر الەمنىڭ جەتەكشى شەتەلدىك ۇيىمدارى مەن جوو-لارىندا «وپەراتورلىق ونەر»، «رەجيسسۋرا»، «جۋرناليستيكا»، «ۆيزۋالدى ەففەكتىلەر. 3d انيماتسيا» جانە ت.ب. ماماندىقتار بويىنشا بىلىكتىلىگىن ارتتىرادى.
ۇمىتكەرلەردىڭ جالپى جۇمىس ءوتىلى ءۇش جىلدان كەم بولماۋى كەرەك. سوڭعى 12 ايدا تاڭداعان ماماندىعى بويىنشا جۇمىس ىستەۋگە ءتيىس. ۇمىتكەر شەتەلدىك ۇيىمنان شاقىرتۋدى ءوز بەتىنشە الادى جانە قازتەست تاپسىرادى (ناتيجەسى ۆ1-دەن تومەن بولماۋى كەرەك).
تاعىلىمداماعا قۇجات تاپسىرۋ 2022 جىلعى 5 قىركۇيەكتە باستالىپ، 14 قازانعا دەيىن جالعاسادى.
وتىنىمدەر Egov.kz مەملەكەتتىك قىزمەت پورتالىندا قابىلدانادى.
تاعىلىمداما بويىنشا ۇمىتكەرلەر كەپىلگە مۇلىك قويمايدى. مىندەتتەمەلەردى ورىنداۋ ءۇشىن ەكى گارانت ۇسىنۋ عانا جەتكىلىكتى. سوڭعى 12 ايدا تۇراقتى تابىسى بار، جاسى 50-گە تولماعان قر ازاماتى ۇمىتكەرگە گارانت بولا الادى.
وسى تاقىرىپ بويىنشا تولىق اقپارات بەرۋ ءۇشىن 2022 جىلعى 26 تامىزدا 16:00-دە اقپارات جانە قوعامدىق دامۋ مينيسترلىگى جانە «بولاشاق» حالىقارالىق باعدارلامالار ورتالىعىنىڭ رەسمي ينستاگرام پاراقشالارىندا بىرلەسكەن تىكەلەي ەفير وتەدى.
سپيكەر: «حالىقارالىق باعدارلامالار ورتالىعى» اق كونكۋرستىق راسىمدەردى ۇيىمداستىرۋ باسقارماسىنىڭ باس مەنەدجەرى اسانباەۆا گۋلزات.
ينتەرۆيۋەر: اقپارات جانە قوعامدىق دامۋ مينيسترلىگىنىڭ ءباسپاسوز مەنەدجەرى سەيلحانوۆا اسەل.
”ادىرنا” ۇلتتىق پورتالى
