«فوتوونەر» قوعامدىق بىرلەستىگىنىڭ بەلسەندى مۇشەسى، بەلگىلى جۋرناليست، ءفوتوتىلشى قۋانىشبەك قاري جيىرماسىنشى مارتە وتكىزىلگەن راحىمباي حانالى اتىنداعى سىيلىقتىڭ لاۋرەاتى اتاندى. بۇل تۋرالى photooner.kz. جاريالادى، دەپ حابارلايدى "ادىرنا" ۇلتتىق پورتالى.
ماراپاتتاۋ سالتاناتى الماتىداعى جۋرناليستەر وداعىندا ءوتتى. شاراعا قازاقستان رەسپۋبليكاسى جۋرناليستەر وداعىنىڭ توراعاسى سەيىتقازى ماتاەۆ، قازاقستان جۋرناليستيكاسى اكادەمياسىنىڭ پرەزيدەنتى ساعىمباي قوزىباەۆ، تانىمال جۋرناليست ۆالەري جانداۋلەتوۆ بولىپ، مەديا سالاسىنىڭ ماماندارىن كاسىبي مەرەكەمەن قۇتتىقتادى.
«فوتوونەر» قوعامدىق بىرلەستىگىنىڭ جاناشىرى اپريزا ايتبايقىزى راحىمباي حانالى اتىنداعى ءداستۇرلى سىيلىقتى ءوز قولىمەن تابىستاپ، لاۋرەات قۋانىشبەك قاريگە، سەيىتقازى ماتاەۆقا جانە فوتوپۋبليتسيست اسىلحان ءابدىرايىمۇلىنا شاپان جاپتى. تىعىز ۋاقىت گرافيگىنە بايلانىستى بىرلەستىك توراعاسىنىڭ شاراعا قاتىسا الماۋىنا بايلانىستى، توراعا مىندەتىن اتقارۋشى دوسجان بالابەكۇلى اسىلحان ءابدىرايىمۇلىنا تابىستالعان شاپاندى جۇمىس ورنىنا اپارىپ، كيگىزىپ قايتتى.
قازاقستان رەسپۋبليكاسى جۋرناليستەر وداعىنىڭ توراعاسى سەيىتقازى ماتاەۆ:
-قۇرمەتتى ارىپتەستەر، ارداقتى دوستار!
سىزدەردى بۇقارالىق اقپارات قۇرالدارى قىزمەتكەرلەرى كۇنىمەن شىن جۇرەكتەن قۇتتىقتايمىن!
قازاقستاندىق جۋرناليستيكا جاڭا فورمالارعا ەنىپ، ءوسىپ-وركەندەپ كەلەدى، جاڭا جۇلدىزدى ەسىمدەر پايدا بولۋدا.
بيىل 68 جۋرناليست قازاق تىلىندە 300-دەن استام جاريالانىم، ال 92 جۋرناليست ورىس تىلىندە 460-قا جۋىق ماتەريال جولدادى.
بۇل دەرەكتەر جاس جۋرناليستەردىڭ ءوز ارىپتەستەرىمەن باسەكەگە ءتۇسىپ، وزدەرىن كورسەتكىسى كەلەتىنىن جانە قازىلار القاسىنىڭ پىكىرىن بىلگىسى كەلەتىنىن ايعاقتايدى.
قۇرمەتتى ارىپتەستەر، كاسىبي مەرەكەلەرىڭىزبەن شىن جۇرەكتەن قۇتتىقتايمىن! شىعارماشىلىق تابىس، جاڭا جەتىستىكتەر، ەرتەڭگى كۇنگە دەگەن سەنىم مەن وپتيميزم تىلەيمىن!»،- دەدى.
«قۇرمەتتى جۋرناليست» اتاعىنا لايىق دەپ تانىلعاندار:
كاريم باكريدەنوۆ – استانا قالاسى
حەلچا يسمايلوۆا – الماتى قالاسى
ەرعالي جۇماحانوۆ – اباي وبلىسى
بايقال ءبايادىلوۆ – اقمولا وبلىسى
عالىمجان تورەحانوۆ – اقتوبە وبلىسى
سۆەتلانا قايىرعاليەۆا– اتىراۋ وبلىسى
بەكدىل سادىبەكوۆ – شىعىس قازاقستان وبلىسى
قۇرمانبەك ءالىمجان – جامبىل وبلىسى
مىرزاعالي نۇرسەيىتوۆ – جەتىسۋ وبلىسى
سىرىمبەك تۇياقوۆ – باتىس قازاقستان وبلىسى
سەرگەي ۆىسوكوسوۆ – قاراعاندى وبلىسى
ماريا موستوۆايا – قوستاناي وبلىسى
كەنجالى ەرىمبەتوۆ – قىزىلوردا وبىلسى
انۋاربەك جانىبەك – ماڭعىستاۋ وبلىسى
سۆەتلانا چيستياكوۆا – پاۆلودار وبلىسى
ۆلاديمير سينەنكو – سولتۇستىك قازاقستان وبلىسى
ورىنباسار سۇتتىباەۆ – تۇركىستان وبلىسى
سارا سماعۇل – ۇلىتاۋ وبلىسى
بالتابەك تۋيەتاەۆ — شىمكەنت قالاسى
