«Fotoöner» qoǧamdyq bırlestıgınıŋ belsendı müşesı, belgılı jurnalist, fototılşı Quanyşbek Qari jiyrmasynşy märte ötkızılgen Rahymbai Hanaly atyndaǧy syilyqtyŋ laureaty atandy. Būl turaly photooner.kz. jariialady, dep habarlaidy "Adyrna" ūlttyq portaly.
Marapattau saltanaty Almatydaǧy Jurnalister odaǧynda öttı. Şaraǧa Qazaqstan Respublikasy Jurnalister odaǧynyŋ töraǧasy Seiıtqazy Mataev, Qazaqstan Jurnalistikasy akademiiasynyŋ prezidentı Saǧymbai Qozybaev, tanymal jurnalist Valerii Jandauletov bolyp, media salasynyŋ mamandaryn käsıbi merekemen qūttyqtady.
«Fotoöner» qoǧamdyq bırlestıgınıŋ janaşyry Apriza Aitbaiqyzy Rahymbai Hanaly atyndaǧy dästürlı syilyqty öz qolymen tabystap, laureat Quanyşbek Qarige, Seiıtqazy Mataevqa jäne fotopublisist Asylhan Äbdıraiymūlyna şapan japty. Tyǧyz uaqyt grafigıne bailanysty bırlestık töraǧasynyŋ şaraǧa qatysa almauyna bailanysty, töraǧa mındetın atqaruşy Dosjan Balabekūly Asylhan Äbdıraiymūlyna tabystalǧan şapandy jūmys ornyna aparyp, kigızıp qaitty.
Qazaqstan Respublikasy Jurnalister odaǧynyŋ töraǧasy Seiıtqazy Mataev:
-Qūrmettı ärıptester, ardaqty dostar!
Sızderdı Būqaralyq aqparat qūraldary qyzmetkerlerı künımen şyn jürekten qūttyqtaimyn!
Qazaqstandyq jurnalistika jaŋa formalarǧa enıp, ösıp-örkendep keledı, jaŋa jūldyzdy esımder paida boluda.
Biyl 68 jurnalist qazaq tılınde 300-den astam jariialanym, al 92 jurnalist orys tılınde 460-qa juyq material joldady.
Būl derekter jas jurnalisterdıŋ öz ärıptesterımen bäsekege tüsıp, özderın körsetkısı keletının jäne qazylar alqasynyŋ pıkırın bılgısı keletının aiǧaqtaidy.
Qūrmettı ärıptester, käsıbi merekelerıŋızben şyn jürekten qūttyqtaimyn! Şyǧarmaşylyq tabys, jaŋa jetıstıkter, erteŋgı künge degen senım men optimizm tıleimın!»,- dedı.
«Qūrmettı jurnalist» ataǧyna laiyq dep tanylǧandar:
Karim Bakridenov – Astana qalasy
Helcha İsmailova – Almaty qalasy
Erǧali Jūmahanov – Abai oblysy
Baiqal Baiadılov – Aqmola oblysy
Ǧalymjan Törehanov – Aqtöbe oblysy
Svetlana Qaiyrǧalieva– Atyrau oblysy
Bekdıl Sädıbekov – Şyǧys Qazaqstan oblysy
Qūrmanbek Älımjan – Jambyl oblysy
Myrzaǧali Nūrseiıtov – Jetısu oblysy
Syrymbek Tūiaqov – Batys Qazaqstan oblysy
Sergei Vysokosov – Qaraǧandy oblysy
Mariia Mostovaia – Qostanai oblysy
Kenjaly Erımbetov – Qyzylorda obylsy
Änuarbek Jänıbek – Maŋǧystau oblysy
Svetlana Chistiakova – Pavlodar oblysy
Vladimir Sinenko – Soltüstık Qazaqstan oblysy
Orynbasar Süttıbaev – Türkıstan oblysy
Sara Smaǧūl – Ūlytau oblysy
Baltabek Tuietaev — Şymkent qalasy
