«Bolashaq» baǵdarlamasy boıynsha endi BAQ qyzmetkerleri taǵylymdamadan óte alady, dep habarlaıdy “Adyrna” ulttyq portaly.
Jýrnalıst, rejıser, operator, grafıster álemniń jetekshi sheteldik uıymdary men JOO-larynda «Operatorlyq óner», «Rejıssýra», «Jýrnalıstıka», «Vızýaldy effektiler. 3d anımaııa» jáne t.b. mamandyqtar boıynsha biliktiligin arttyrady.
Úmitkerlerdiń jalpy jumys ótili úsh jyldan kem bolmaýy kerek. Sońǵy 12 aıda tańdaǵan mamandyǵy boıynsha jumys isteýge tıis. Úmitker sheteldik uıymnan shaqyrtýdy óz betinshe alady jáne QAZTEST tapsyrady (nátıjesi V1-den tómen bolmaýy kerek).
Taǵylymdamaǵa qujat tapsyrý 2022 jylǵy 5 qyrkúıekte bastalyp, 14 qazanǵa deıin jalǵasady.
Ótinimder Egov.kz memlekettik qyzmet portalynda qabyldanady.
Taǵylymdama boıynsha úmitkerler kepilge múlik qoımaıdy. Mindettemelerdi oryndaý úshin eki garant usyný ǵana jetkilikti. Sońǵy 12 aıda turaqty tabysy bar, jasy 50-ge tolmaǵan QR azamaty úmitkerge garant bola alady.
Osy taqyryp boıynsha tolyq aqparat berý úshin 2022 jylǵy 26 tamyzda 16:00-de Aqparat jáne qoǵamdyq damý mınıstrligi jáne «Bolashaq» Halyqaralyq baǵdarlamalar ortalyǵynyń resmı Instagram paraqshalarynda birlesken tikeleı efır ótedi.
Spıker: «Halyqaralyq baǵdarlamalar ortalyǵy» AQ Konkýrstyq rásimderdi uıymdastyrý basqarmasynyń bas menedjeri Asanbaeva Gýlzat.
Intervıýer: Aqparat jáne qoǵamdyq damý mınıstrliginiń Baspasóz menedjeri Seılhanova Ásel.
”Adyrna” ulttyq portaly
