اقتاۋدا پوليتسەيلەر ايەلدى سۋيتسيدتەن قۇتقاردى

1686
Adyrna.kz Telegram
فوتو: ۆيدەودان الىندى
فوتو: ۆيدەودان الىندى

اقتاۋدا پوليتسەيلەر ايەلدى سۋيتسيدتەن قۇتقاردى. بۇل تۋرالى قازاقستان رەسپۋبليكاسى ءىىم جاڭالىقتارى مالىمدەدى، دەپ حابارلايدى “ادىرنا” ۇلتتىق پورتالى.

”1 قازان تۇنگى ساعات 01.40 شاماسىندا 102 جەلىسىنە اقتاۋ قالاسىنىڭ كوپقاباتتى ۇيلەرىنىڭ ءبىرىنىڭ 5-ءشى قاباتىنىڭ بالكون قورشاۋىنان ايەل ادامنىڭ سەكىرەيىن دەپ جاتقاندىعى تۋرالى حابار ءتۇستى.  شاقىرتۋعا پاترۋلدىك پوليتسيا جاساعى جانە پب ارنايى قابىلداۋ ورنىنىڭ باستىعى باردى. 

41 جاستاعى ازاماتشا بالكون قورشاۋىنا وتىرىپ، ەشكىمنىڭ وزىنە جاقىنداماۋىن تالاپ ەتكەن. ارنايى قابىلداۋ ورنىنىڭ باستىعى وركەن جۇسىپبەكوۆ ونىمەن اڭگىمەلەسىپ، ودان اسىعىس ارەكەتتەر جاساماۋدى ءوتىندى. پوليتسيا قىزمەتكەرى ايەلدى سوزگە تارتىپ، كوڭىلىن اۋلاپ، وعان جاقىنداي باستادى. سەكىرۋگە دايىن تۇرعان ايەل قولىن جىبەرە بەرگەندە ءتارتىپ ساقشىسى جىلدام ارەكەت ەتىپ، ساناۋلى سەكۋند ىشىندە ونى ۇستاپ الدى” ،-دەلىنگەن حابارلامادا.

ايەلدىڭ ماس كۇيدە بولعانى انىقتالدى. سونداي-اق، جەكە باسىن انىقتاۋ بارىسىندا ونىڭ ناركولوگيالىق ەسەپتە ەكەنى بەلگىلى بولدى.  ول جەدەل جاردەم قىزمەتكەرلەرىنە تاپسىرىلدى.

”ادىرنا” ۇلتتىق پورتالى 

پىكىرلەر