Aqtauda poliseiler äieldı suisidten qūtqardy. Būl turaly Qazaqstan Respublikasy IIM jaŋalyqtary mälımdedı, dep habarlaidy “Adyrna” ūlttyq portaly.
”1 qazan tüngı saǧat 01.40 şamasynda 102 jelısıne Aqtau qalasynyŋ köpqabatty üilerınıŋ bırınıŋ 5-şı qabatynyŋ balkon qorşauynan äiel adamnyŋ sekıreiın dep jatqandyǧy turaly habar tüstı. Şaqyrtuǧa patruldık polisiia jasaǧy jäne PB arnaiy qabyldau ornynyŋ bastyǧy bardy. 41 jastaǧy azamatşa balkon qorşauyna otyryp, eşkımnıŋ özıne jaqyndamauyn talap etken. Arnaiy qabyldau ornynyŋ bastyǧy Örken Jüsıpbekov onymen äŋgımelesıp, odan asyǧys äreketter jasamaudy ötındı. Polisiia qyzmetkerı äieldı sözge tartyp, köŋılın aulap, oǧan jaqyndai bastady. Sekıruge daiyn tūrǧan äiel qolyn jıbere bergende tärtıp saqşysy jyldam äreket etıp, sanauly sekund ışınde ony ūstap aldy” ,-delıngen habarlamada.Äieldıŋ mas küide bolǧany anyqtaldy. Sondai-aq, jeke basyn anyqtau barysynda onyŋ narkologiialyq esepte ekenı belgılı boldy. Ol jedel järdem qyzmetkerlerıne tapsyryldy.
”Adyrna” ūlttyq portaly
Ūqsas jaŋalyqtar
