قاراعاندىدا 15 قازان – قازاق ءتىلى كۇنىنە وراي «وڭاي قازاق ءتىلى» اتتى قازاق ءتىلىن وقىتۋدىڭ جالپىۇلتتىق باعدارلاماسىنىڭ تۇساۋكەسەرى وتەدى.
«قازاق حالقىنىڭ مۇراسى» كىتاپتار سەرياسىنىڭ باستاماسىمەن قولعا الىنىپ وتىرعان بۇل جوبا وزگە ءتىلدى ازاماتتارعا مەملەكەتتىك ءتىلدى بارىنشا جەڭىل وقىتۋدى كوزدەيدى. جوبانى ۇيىمداستىرۋشىلار باعدارلامادا نەگىزىنەن ەكى ءتۇرلى قۇرالدىڭ قولدانىلاتىتىن ءسوز ەتتى. اتالعان قۇرالداردىڭ قاتارىندا ورىسشا – قازاقشا ريفمالانعان سوزدىك پەن سويلەم قۇراۋدى فورمۋلا ارقىلى تۇسىندىرۋگە باعىتتالعان ادىستەمە بار. «وڭاي قازاق ءتىلى» اتتى جالپىۇلتتىق باعدارلامانىڭ ساباقتارى اپتاسىنا 1 رەت الەۋمەتتىك جەلىلەردە جانە اقپاراتتىق سايتتاردا جىل بويىنا جاريالانىپ وتىرادى. ساباقتار تەگىن ۇسىنىلادى. بۇل «قازاق حالقىنىڭ مۇراسى» كىتاپتار سەرياسىنىڭ ۇلت قۇندىلىقتارىن ناسيحاتتاۋعا باعىتتالعان 32-ءشى جوباسى.
