بەلارۋستەن كەتىپ بارا جاتقان McDonald's-تىڭ ورنىن بەلارۋس كاسىپورىندارى مەن وندىرۋشىلەرى باسۋى كەرەك. بۇل تۋرالى بەلارۋس پرەزيدەنتى الەكساندر لۋكاشەنكو اگروونەركاسىپتىك كەشەن باسشىلارىن سالتاناتتى تۇردە ماراپاتتاۋ راسىمىندە ايتتى، دەپ حابارلايدى “ادىرنا” ۇلتتىق پورتالى.
“اح، McDonald's كەتىپ بارا جاتىر. مەنىڭ ويىمشا: قۇدايعا شۇكىر، ەڭ بولماعاندا كەتىپ بارا جاتىر! بىراق ءبىزدىڭ ادامدار جۇمىس ىستەيتىن، ءبىزدىڭ ماماندارىمىز جۇمىس ىستەيتىن ءبىزدىڭ تاۋارلاردى تۇتىناتىن جەردە بەلورۋستار تۇرۋى كەرەك.
وسى McDonald's ىستەگەندى، ەگەر بىرەۋگە قاجەت بولسا، ءبىز ءوزىمىز دە ىستەۋىمىز كەرەك، ءتىپتى ودان دا جاقسى ەتىپ ىستەيمىز. توقاشتى ەكىگە ءبولىپ، وسى ەكى بولىككە ەت، كارتوپ، سالات جاپىراعىن سالا الماي ما؟ مۇندايدى كىم جەيدى؟»، - دەدى الەكساندر لۋكاشەنكو.
