كەڭەس وداعى ىدىراپ جاتقان الاعاي-بۇلاعاي شاقتا قازاق اتىن اسقاقتاتىپ، بايراعىمىزدى بيىكتە جەلبىرەتكەن جانە تاۋەلسىز مەملەكەت ۇلاندارىنىڭ سپورتپەن شۇعىلدانۋىنا جول اشىپ بەرگەن قازاقتىڭ قادىرلى ۇلى، داڭقتى سپورتشى بولات تەمىروۆ ومىردەن وزدى. وكىنىشكە قاراي، قازاق ءۇشىن قارالى حابارلى "ادىرنا" ۇلتتىق پورتالى كوپشىلىككە ەستىرتەدى.
اتاقتى كەڭەس جانە قازاق بوكسشىسى، كسرو چەمپيونى جانك قازاق كسر، قازاقستان چەمپيوناتتارىنىڭ بىرنەشە دۇركىن جەڭىمپازى بولات تەمىروۆ 53 جاسقا قاراعان شاعىندا ومىردەن وزدى.
داڭقى سپورت ساڭلاعىنىڭ قازاسىن اۋىر قابىلداعان جۋرناليست جەڭىس كەنجەسۇلى:
"قوش بول، بولات! قازان قالاسى. 1991 جىل. قىس. قاڭتار-اقپان ايلارى. كسرو-نىڭ بوكستەن 57-ءشى سوڭعى چەمپيوناتىندا تانىستىق. شارشى الاڭداعى ءار كەزدەسۋىڭدى تاماشالاپ، تالانتتى، تالاپتى بوكسشىلىق ونەرىڭە، جەڭىسىڭە ءتانتى بولدىق.مويىنىڭا التىن مەدال ىلگەندە زالعا جينالعان ءيسى قازاق دۋ كوتەرىلىپ، رۋحى ءبىر اسقاقتاعاندى. كەيىن دە سول بيىكتەن تۇسپەدىڭ. قازاق ەلىنىڭ، تۋعان توپىراعىڭنىڭ التىن ازاماتى بولا ءبىلدىڭ. وزىڭمەن ەلىڭ ارقاشان ماقتاناتىن. ءالى دە ماقتانادى. قارالى حاباردى ەستىپ قابىرعامىز قايىستى.باقۇل بول، اسىل ازامات!" - دەپ جازدى.
بولات بيسەنۇلى 1992 جىلعى وليمپيادانىڭ جانە الەم چەمپيوناتتارىنىڭ بىرنەشە دۇركىن جەڭىمپازى بولدى. قازاقستان تاۋەلسىزدىگىنىڭ العاشقى جىلدارىندا ۇلتتىق قۇرامانىڭ كاپيتانى قىزمەتىن ابىرويمەن اتقاردى. بوكس مانسابىن اياقتاعاننان كەيىن بيزنەسپەن تابىستى اينالىستى، ققب باس حاتشىسى لاۋازىمىندا جۇمىس ىستەدى، اتىراۋ وبلىسىنىڭ قۇرمەتتى ازاماتى بولدى.
"ادىرنا" ۇلتتىق پورتالى قازاق ءۇشىن تۋعان اردا پەرزەنتتىڭ بارلىق تۋىستارى مەن جاقىندارىنا شىن جۇرەكتەن كوڭىل ايتادى.
"ادىرنا" ۇلتتىق پورتىلى
