بيىلعى جىلى قر تۇڭعىش پرەزيدەنتىنىڭ كەڭسەسىنە رەسپۋبليكالىق بيۋدجەتتەن 1,6 ملرد تەڭگە ءبولىندى. بۇل تۋرالى PROTENGE تەلەگرامم ارناسى جازدى، دەپ حابارلايدى «ادىرنا» ءتىلشىسى.
اتاپ ايتساق، 708 ملن تەڭگە – نۇرسۇلتان نازارباەۆتىڭ، ال 969 ملن تەڭگە – تۇڭعىش پرەزيدەنت كىتاپحاناسىنىڭ قىزمەتتەرىن قامتاماسىز ەتۋگە بولىنگەن.
وتكەن جىلى ەكس-پرەزيدەنتتىڭ كەڭسەسىن ۇستاۋعا بيۋدجەتتەن 2,6 ملرد تەڭگە، 2021 جىلى
2,1 ملرد تەڭگە قاراستىرىلعان ەدى.
ايتا كەتەيىك، قازاقستان رەسپۋبليكاسى تۇڭعىش پرەزيدەنتىنىڭ كەڭسەسى – نۇرسۇلتان ءابىشۇلى قۇراتىن، وعان تىكەلەي باعىناتىن جانە ەسەپ بەرەتىن مەملەكەتتىك ورگان. ميسسياسى — تۇڭعىش پرەزيدەنتتىڭ قىزمەتىن جانە ونىڭ مارتەبەسىن ىسكە اسىرۋدى اقپاراتتىق-تالدامالىق، قۇجاتتامالىق، ۇيىمدىق-پروتوكولدىق جانە وزگە دە تۇردە ساپالى جانە ۋاقتىلى قامتاماسىز ەتۋ.
باسقا ماتەريالدار
Adyrna.kz ۇلتتىق پورتالىنىڭ ماڭىزدى اقپاراتتارىنا جازىلۋ
سوڭعى جاڭالىقتار تۋرالى حاباردار بولىڭىز