قازاقستاندا پارا العاندار ەندى العان قارجىسىنان 20 ەسە كوپ ايىپپۇل تولەيتىن بولادى، دەپ حابارلايدى "ادىرنا" ۇلتتىق پورتالى. قولدانىستاعى زاڭ بويىنشا پاراقورلار 5 مىڭ ايرىق ەسەپتىك كورسەتكىشىندە ايىپپۇل تولەپ كەلگەن ەدى، ەندى زاڭ قاتاڭداتىلماق، دەپ حابارلايدى "ادىرنا" ۇلتتىق پورتالى.
ادىلەت مينيسترلىگى قر كەيبىر زاڭنامالىق اكتىلەرگە، قىلمىستىق، قىلمىستىق-پروتسەستىك جانە قىلمىستىق-اتقارۋ كودەكستەرىن وڭتايلاندىرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى زاڭ جوباسىن جاريالادى.
جوبادا كوممەرتسيالىق پارا بەرۋشىلەرگە جازانى قاتاڭداتۋ جوسپارلانعان. اتاپ ايتقاندا، پارا الۋشىلارعا العان پارا سوماسىنىڭ 10 ەسەدەن 20 ەسەگە دەيىنگى سوماسى مولشەرىندە ايىپپۇل سالىنادى.
Informburo.kz-ءتىڭ ناقتىلاۋىنشا، ەگەر پارا مۇلىك تۇرىندە بەرىلسە، ول سول مۇلىكتىڭ قۇنى مولشەرىندە ايىپپۇل تولەيدى. بولماسا، 1 200 ساعاتقا دەيىنگى مەرزىمگە قوعامدىق جۇمىستارعا تارتۋعا نە 5 جىلعا دەيiنگi مەرزiمگە باس بوستاندىعىن شەكتەۋگە نە سول مەرزiمگە باس بوستاندىعىنان ايىرۋعا جازالانادى.
ادىلەت مينيسترلىگىنىڭ تۇسىندىرۋىنشە، ايىپپۇلداردىڭ جاڭا مولشەرى "اتامەكەن" ۇلتتىق كاسىپكەرلىك پالاتاسىمەن جانە باس پروكۋراتۋرانىڭ تاپسىرماسى اياسىندا ەنگىزىلىپ وتىر.
"ادىرنا" ۇلتتىق پورتالى
