قىرعىستاندا ۇيىمداسقان قىلمىستىق توپتىڭ مۇشەسىن ءولىمشى ەتىپ سوققىعا جىققان ەكى كۇدىكتى ۇستالدى. ولار قازاقستانعا قاشپاق بولعان، دەپ حابارلايدى “ادىرنا” ۇلتتىق پورتالى Kaktus.media رەداكتسياسىنا سىلتەمە جاساپ.
ايتا كەتەيىك، 13 قاڭتارعا قاراعان ءتۇنى ساعات 01:26-دا وش قالاسىنىڭ ورتالىعىندا ۇيىمداسقان قىلمىستىق توپ مۇشەلەرى اراسىندا قىلمىستىق توبەلەس بولعان. ۇيىمداسقان قىلمىستىق توپتىڭ ءبىر مۇشەسى ارماتۋرامەن ۇرىپ ولتىرىلسە، ەكىنشىسى جانساقتاۋ بولىمىندە جاتىر.
ۇيىمداسقان قىلمىستىق توپتىڭ بەس مۇشەسىنە ىزدەۋ جاريالاندى. ال بۇعان دەيىن ۇيىمداسقان قىلمىستىق توپتىڭ جەتەكشىسى، دجەنگو لاقاپ اتى قادىر دوسونوۆ ۇستالدى. بۇل دەرەك وش قالالىق ىشكى ىستەر باسقارماسىنا «ادام ءولتىرۋ» بابى بويىنشا تىركەلدى.
14 قاڭتاردا جۇرگىزىلگەن جەدەل-ىزدەستىرۋ ءىس-شارالارى بارىسىندا ىشكى ىستەر مينيسترلىگىنىڭ قىزمەتكەرلەرى شۋ وبلىسى اۋماعىندا شەكارانى كەسىپ وتپەك بولعان كەزدە بۇرىن ىزدەۋدە جۇرگەن كورگونباي ۇلى ەلامان مەن رايىمبەردى ۇلى اقىلبەكتى ۇستادى. قالعان كۇدىكتىلەردى ىزدەۋ جالعاسۋدا.
