اسحات ورالوۆ اۋىلدىق جەردىڭ سپورتشىلارىن دايارلاۋعا باسا نازار اۋداردى. مينيستر لەگيونەرلەر ءۇشىن ەمەس، ءبىرىنشى كەزەكتە جەرگىلىكتى جاستارعا جاعداي جاسالۋى كەرەك ەكەنىن اتاپ ءوتتى. بۇل تۋرالى ول تۇركىستان وبلىسىنا جۇمىس ساپارى كەزىندە مالىمدەدى، دەپ حابارلايدى “ادىرنا” ۇلتتىق پورتالى.
اسحات ورالوۆ وبلىس تۇرعىندارى الدىندا ەسەپ بەرۋ كەزدەسۋىن وتكىزگەن سوڭ، ازاماتتاردى جەكە قابىلدادى. قوعامدىق قابىلداۋدان كەيىن ەسكەك ەسۋ كانالىنىڭ قۇرىلىس الاڭىنا باردى. مۇندا سپورت نىساندارىن سالۋ جوسپارلانىپ وتىر.
