ازات پەرۋاشەۆ باستاعان «اق جول» دەمپارتياسىنىڭ رەسپۋبليكالىق شتابى الماتى وبلىسى ىلە اۋدانىنداعى «Dolce -Pharm» جشس فارماتسەۆتيكالىق كومپانياسىنىڭ جانە الماتىداعى «يمستالكون» زاۋىتىنىڭ ەڭبەك ۇجىمدارىمەن كەزدەستى.
«Dolce-Pharm» وندىرىستىك بىرلەستىگى ءبىر رەتتىك مەديتسينالىق بۇيىمدار مەن كيىمدەردى، كاسىبي شىعىن ماتەريالدارىن شىعاراتىن ءىرى وتاندىق ءوندىرۋشى، «التىن ساپا» پرەزيدەنتتىك سىيلىعىنىڭ يەگەرى.
دەمپارتيا ليدەرى پارتيانىڭ ساياسي باعدارلاماسىنىڭ باسىم باعىتتارىن اتاپ، «اقجولدىق» دەپۋتاتتاردىڭ پارلامەنت پەن ماسليحاتتارداعى اتقارعان جۇمىستارىنا توقتالدى، سونداي-اق، ەڭبەك ۇجىمىنىڭ ساۋالدارىنا جاۋاپ بەرىپ، وتىنىشتەرىن تىڭدادى.
كاسىپورىن باسشىلىعى مەملەكەتتىك «سك-فارماتسيا» جشس-مەن جىلدىق كەلىسىم-شارتتىڭ ۇزىلۋىنە بايلانىستى كەيبىر قۇرال-جابدىقتاردىڭ قولدانۋسىز قالعانى تۋرالى ايتتى. ارى قاراي دا مۇنداي جاعداي قايتالانسا كاسىپورىن «اق جول» پارتياسى دەپۋتاتتارىنىڭ كومەگىنە جۇگىنەتىندىگى كەلىسىلدى. بۇعان دەيىن كومپانيانىڭ وسى تەكتەس وتىنىشتەرى ۇنەمى پارلامەنتتەگى «اق جول» فراكتسياسىنىڭ قولداۋىنا يە بولىپ، تۋىنداعان ماسەلەلەر شەشىمىن تاۋىپ وتىردى.
قىزمەتكەرلەر تۇرعىن ءۇي جانە جەكە تۇرعىن ءۇي قۇرىلىسىنا ارنالعان جەر تەلىمىنە اكىمدىك كەزەگىنىڭ كەرى وسۋىنە، جەكە تۇرعىن ءۇي قۇرىلىسىنا بولىنگەن اۋدانداردا قولجەتىمدى مەكتەپتەر مەن بالاباقشالاردىڭ جوقتىعىنا، باعا تۇراقسىزدىعى مەن نەسيە پايىزىنىڭ جوعارى بولۋىنا نارازىلىقتارىن ءبىلدىردى.
سونداي-اق، سايلاۋشىلار جەمقورلاردىڭ شەتەلگە شىعارعان قارجىسىن حالىققا قايتارۋ جۇمىستارىن كۇشەيتۋدى تالاپ ەتتى.
ا.پەرۋاشەۆ كوتەرىلگەن ماسەلەلەردى شەشۋدەگى پارتيا ۇستانىمىن بايانداپ، اكىمدىكتەردىڭ الەۋمەتتىك تۇرعىن ءۇيدى زاڭسىز بەرۋىنە قاتىستى فراكتسيانىڭ دەپساۋالدارى، جەمقورلىققا جول بەرگەن شەنەۋنىكتەردىڭ جازاسىن وتەگەننەن كەيىن دە ەلدەن شىعۋىنا تىيىم سالۋ تۋرالى تالاپتارى تۋرالى ايتتى. اتالعان شارالار جينالعان قاۋىمنىڭ قولداۋىنا يە بولدى.
سول كۇنى «اق جول» دەمپارتياسى رەسپۋبليكالىق شتابىنىڭ مۇشەلەرى الماتىداعى «يمستالكون» زاۋىتىنىڭ جۇمىسشىلارىمەن كەزدەستى. كاسىپورىن قۇرىلىس سالاسى ءۇشىن مەتالل كونسترۋكتسيالارىن شىعارادى.
باعدارلامانىڭ نەگىزگى باعىتتارىن تانىستىرعاننان سوڭ، ازات پەرۋاشەۆ زاۋىتتىڭ ەڭبەك ۇجىمىمەن تىلدەسىپ، جۇمىسشىلاردىڭ سۇراقتارىنا جاۋاپ بەردى.
اتاپ ايتقاندا، قىزمەتكەرلەردىڭ جالاقىسىن كوتەرۋ جولدارى، مەملەكەتتىك ساتىپ الۋلارداعى وتاندىق تاۋار وندىرۋشىلەردى قورعاۋ، بجزق-نىڭ شىعىنعا باتقانى مەن زەينەتاقى جيناقتارىنىڭ ساقتالۋ ماسەلەلەرى تالقىلاندى.
پىكىرالماسۋ ەمىن-ەركىن ءارى قىزىقتى ءوتتى، جۇمىسكەرلەردىڭ كوبى سايلاۋدا «اق جول» پارتياسى مەن ونىڭ كانديداتتارىنا داۋىس بەرۋگە نيەتتى ەكەندىكتەرىن ايتىپ، العان بەتتەن اينىماي، كوتەرىلگەن ماسەلەلەردىڭ شەشىمىن تابۋ ءۇشىن تاباندىلىق تانىتا بەرۋدى سۇرادى.
ماتەريالدىڭ اقىسى «اق جول» دەموكراتيالىق پارتياسىنىڭ سايلاۋ قورىنان تولەندى.
