الەۋمەتتىك جەلىدە قىزىلجارلىق يت جەتەكتەگەن تۇرعىنىنىڭ قىلىعىنا بولا داۋ تۋدى. يت جەتەكتەپ، سامارقاۋ كوشە كەزگەن ازامات "سەرىگىنىڭ" كوشەنى بىلعاعانىنا بىلق ەتپەي، جاۋاپكەرشىلىكتەن جالتارادى. ازاماتتاردىڭ ادامي تۇرعىنان ەسكەرۋىنە پىسقىرىپ تا قارامايدى. ال تۇرعىنداردىڭ ايتۋىنشا، قالا كوشەلەرىن لاستاعان مۇنداي يتتەر مەن يت يەلەرىنەن سوڭ دالادا اياق الىپ ءجۇرۋ مۇمكىن ەمەس، دەپ حابارلايدى "ادىرنا" ۇلتتىق پورتالى.
"Qazaqstan" ارناسىنىڭ سولتۇستىك قازاقستان وبلىسى بويىنشا مەنشىكتى ءتىلشىسى ەلميرا قالەنوۆا ءوڭىردىڭ پوليتسيا دەپارتامەنتىنە شاعىم جولدادى.
- كوكتەمدە كوشەگە شىقساڭ، ءيتتىڭ ناجىسىنەن اياق الىپ جۇرە المايسىڭ. ءيتتى جاقسى كورەدى ەكەنسىڭ، قالتاڭدا پاكەتىڭ بولسىن. پوليتسيا باسقارماسى، مىنا مادەنيەتسىز تۇرعىندى تاۋىپ، جاۋاپقا تارتۋدى تالاپ ەتەمىن. باسقالار بايقاپ ءجۇرسىن! - دەدى ازامات.
وقىرماندار دا بۇل ماسەلەنىڭ مانىنە جەتۋگە ورتاقتاستى:
"وتە ورىندى ۇسىنىس، ءار كىم ءوز ءىس ارەكەتىنە جاۋاپ بەرگەنى ءجون، ويلارىنا كەلگەنىن جاساماي، سول جەردە بالا-شاعا دا جۇرەدى";
"قازاق حالقى ءيتتى جەتى قازىنانىڭ بىرىنە سانايدى بىراق ءيتتىڭ ءبارى جەتى قازىناعا جاتپايدى، تەك قانا تازى قۇماي ءيتى عانا جاتادى. سەبەبى تازى قۇماي ءيتى وتە تازا يت، ول اڭعا شىققاندا ۇستاعان اڭىنا سىلەكەيىن تيگىزبەيدى سوندىقتان جەتى قازىناعا اڭشىلار وتە قاستەرلەيدى. ال بۇگىنگى تاڭدا قالامىزدا باسقا ۇلتتى ايتپاعاندا ءوزىمىزدىڭ قازاقتا كوپ قاباتتى ۇيلەرىندە ءيتتى ءوزى تاپقانداي ۇيلەرىندە ۇستاپ شىنىمەن قالانىڭ ىشىندە كەش بولسا يتتەرىن جەتەلەپ جۇرگەن ورىستاردى كوپ كورەسىڭ جانە ەشقانداي قارعىباۋسىز، بوس جىبەرىپ وزىڭە تۇك كورمەگەندەي قاراپ تۇرادى ول قاپپايدى قورىقپاڭىز دەپ وزىڭە اقىل ايتادى. ءيا مەن 3-ءشى قالالىق ەمحاناسىنىڭ قاسىندا تۇرامىن كوشە قالىپ ەندى ورماننىڭ ىشىندە اياق باساتىن تازا جەر قالمادى وسىلارعا ءبىر شارا قولداناتىن كۇن كەلگەن سياقتى. شەت مەملەكەتتە ءيتتى ۇيگە ۇستاساڭ وتباسى مۇشەلەرىنىڭ ءبىرى رەتىندە كوممۋنالدىق تولەمدەر تولەنەدى، كوشەگە شىققاندا ءيتتىڭ سوڭىنان قاپشىق پەن كىشكەنتاي كۇرەكشە الىپ ۇلكەن دارەتىن جيناپ جۇرەدى";
"پىسقىرىپ تا قارامايدى، تىڭداعىسى دا كەلمەيدى عوي. ۇستاپ، جازاعا تارتۋ كەرەك";
"شەت ەلدەردە يتپەن شىققان ادامدار ساۆوكتارىن الا جۇرەدى، نە پاكەتپەن جۇرەدى، ارتىنان تازالاپ. ءبىزدىڭ ەلدە قايدان تازالىق بولسىن؟ ۇيتكەنى ولاردىڭ ەلى ەمەس قوي. ليش بى ناسرات، وبگاديت. قازاق شىداي بەرەدى عوي!" دەپ كۇيىندى وقىرماندار.
