Äleumettık jelıde qyzyljarlyq it jetektegen tūrǧynynyŋ qylyǧyna bola dau tudy. İt jetektep, samarqau köşe kezgen azamat "serıgınıŋ" köşenı bylǧaǧanyna bylq etpei, jauapkerşılıkten jaltarady. Azamattardyŋ adami tūrǧynan eskeruıne pysqyryp ta qaramaidy. Al tūrǧyndardyŋ aituynşa, qala köşelerın lastaǧan mūndai itter men it ielerınen soŋ dalada aiaq alyp jüru mümkın emes, dep habarlaidy "Adyrna" ūlttyq portaly.
"Qazaqstan" arnasynyŋ Soltüstık Qazaqstan oblysy boiynşa menşıktı tılşısı Elmira Qalenova öŋırdıŋ polisiia departamentıne şaǧym joldady.
- Köktemde köşege şyqsaŋ, ittıŋ näjısınen aiaq alyp jüre almaisyŋ. İttı jaqsy köredı ekensıŋ, qaltaŋda paketıŋ bolsyn. Polisiia basqarmasy, myna mädenietsız tūrǧyndy tauyp, jauapqa tartudy talap etemın. Basqalar baiqap jürsın! - dedı azamat.Oqyrmandar da būl mäselenıŋ mänıne jetuge ortaqtasty:
"Öte oryndy ūsynys, är kım öz ıs äreketıne jauap bergenı jön, oilaryna kelgenın jasamai, sol jerde bala-şaǧa da jüredı"; "Qazaq halqy ittı jetı qazynanyŋ bırıne sanaidy bıraq ittıŋ bärı jetı qazynaǧa jatpaidy, tek qana tazy qūmai itı ǧana jatady. Sebebı tazy qūmai itı öte taza it, ol aŋǧa şyqqanda ūstaǧan aŋyna sılekeiın tigızbeidı sondyqtan jetı qazynaǧa aŋşylar öte qasterleidı. Al bügıngı taŋda qalamyzda basqa ūltty aitpaǧanda özımızdıŋ qazaqta köp qabatty üilerınde ittı özı tapqandai üilerınde ūstap şynymen qalanyŋ ışınde keş bolsa itterın jetelep jürgen orystardy köp köresıŋ jäne eşqandai qarǧybausyz, bos jıberıp özıŋe tük körmegendei qarap tūrady ol qappaidy qoryqpaŋyz dep özıŋe aqyl aitady. İä men 3-şı qalalyq emhanasynyŋ qasynda tūramyn köşe qalyp endı ormannyŋ ışınde aiaq basatyn taza jer qalmady osylarǧa bır şara qoldanatyn kün kelgen siiaqty. Şet memlekette ittı üige ūstasaŋ otbasy müşelerınıŋ bırı retınde kommunaldyq tölemder tölenedı, köşege şyqqanda ittıŋ soŋynan qapşyq pen kışkentai kürekşe alyp ülken däretın jinap jüredı"; "Pysqyryp ta qaramaidy, Tyŋdaǧysy da kelmeidı ǧoi. Ūstap, jazaǧa tartu kerek"; "Şet elderde itpen şyqqan adamdar savoktaryn ala jüredı, ne paketpen jüredı, artynan tazalap. Bızdıŋ elde qaidan tazalyq bolsyn? Üitkenı olardyŋ elı emes qoi. Liş by nasrat, obgadit. Qazaq şydai beredı ǧoi!" dep küiındı oqyrmandar.
