ايماعامبەتوۆتىڭ پرەمەر-مينيستر بولعانىن قالايمىن – ماقسات حالىق

8378
Adyrna.kz Telegram

ەلىمىزدە ءماجىلىس پەن ءماسليحات سايلاۋى وتكەننەن كەيىن ءاليحان سمايىلوۆ باسقاراتىن مينيسترلەر كابينەتى وتستاۆكاعا كەتۋى مۇمكىن.  مەملەكەت باسشىسى قاسىم-جومارت توقاەۆ سىننان كوز اشپاعان ءاليحان اسقانۇلىن وتستاۆكاعا جىبەرە مە، جوق الدە وعان تاعى ءبىر مۇمكىندىك بەرە مە؟ جالپى ۇكىمەت قايتا جاساقتالسا، كىم پرەمەر-مينيستر بولۋى مۇمكىن؟

سايلاۋ كۇنى ءاليحان سمايىلوۆ ءوزىنىڭ وتستاۆكاسىنا قاتىستى سۇراققا جاۋاپ بەردى. ءبىر قىزىعى ونىڭ «ەلىمىز ءۇشىن ارقاشان ەڭبەك ەتۋگە ءازىرمىز»  دەگەن ءسوزى قىزىق بولىپ تۇر.

«پارلامەنت ءماجىلىسى قايتا سايلانعاننان كەيىن ۇكىمەت وتستاۆكاعا كەتەدى. جاڭا ۇكىمەت قايتا جاساقتالعانشا ءبىز ءوز قىزمەتىمىزدى اتقارا بەرەمىز. جاڭا پرەمەر-ءمينيستردىڭ كىم بولاتىنىن پرەزيدەنت شەشەدى. ءبىز كەز كەلگەن جاعدايعا دايىنبىز. ەلىمىز ءۇشىن ارقاشان ەڭبەك ەتۋگە ءازىرمىز»، - دەدى پرەمەر-مينيستر سايلاۋ ۋچاسكەسىندە.

«جاڭا پرەمەر-ءمينيستردىڭ كىم بولاتىنىن پرەزيدەنت شەشەدى» جانە «ەلىمىز ءۇشىن ارقاشان ەڭبەك ەتۋگە ءازىرمىز» دەگەن سوزگە قاراعاندا ءاليحان اسقانۇلىنىڭ وتستاۆكاعا كەتۋگە اسىقپايتىن سەكىلدى. جالپى ءاليحان سمايىلوۆتىڭ ورنىنا كىم پرەمەر-مينيستر بولۋى مۇمكىن؟ وسى جانە وزگە دە سۇراققا بەلگىلى ەكونوميست ماقسات حالىق جاۋاپ بەردى.

ءماجىلىس سايلاۋى ءوتىپ، پارلامەنت جاڭارعاننان كەيىن ۇكىمەت وتستاۆكاعا كەتۋ كەرەك. شىن مانىندە الداعى كۇندەرى ۇكىمەت جاڭارۋى مۇمكىن بە؟

– مەنىڭ ويىمشا ۇكىمەت جاڭارۋى كەرەك. ءوز باسىم ۇكىمەت جاڭارادى دەپ سەنىپ وتىرمىن.

قاسىم-جومارت توقاەۆ «ءاليحان سمايلوۆقا تاعى ءبىر مۇمكىندىك بەرەيىك» دەپ ايتپاي ما؟

– ول دا مۇمكىن. بىراق ونى ۇكىمەت باسشىلىعىندا قالدىرماعانى دۇرىس سياقتى.

ءوزىڭىز «ۇكىمەت باسشىسى بولسا، ءتيىمدى جۇمىس ىستەر ەدى» دەپ كىمدەردى ايتا الاسىز؟ مىسالى قازىرگى كەزدە ۇكىمەت باسشىلىعىنا ەرلان قوشانوۆ، التاي كولگىنوۆ نەمەسە قانات بوزىمباەۆ كەلۋى مۇمكىن دەگەن اڭگىمەلەر بار...

– نەگىزى «مىنا ادام پرەمەر-مينيستر بولسا، ءبارى جاقسى بولىپ كەتەدى» دەپ ايتۋ قيىن.  ايتسە دە مەن ءوز باسىم اسحات ايماعامبەتوۆتىڭ پرەمەر-مينيستر بولعانىن قالايمىن. سەبەبى ول جوعارى قىزمەتتە ءجۇرىپ حالىقتىڭ الىندا ابىرويىن ساقتاپ، كوپشىلىكتىڭ سۇيىسپەنشىلىگىنە بولەندى. ەگەر اسحات قاناتۇلى ۇكىمەتتى باسقارسا حالىقتىڭ شامالى بولسا دا ءۇمىتى ويانار ەدى. مەن ودان باسقا ادام كورىپ تۇعان جوقپىن.   

ۇكىمەت باسشىسىنىڭ ماماندىعى گۋمانيتارلىق سالادان قاراعاندا بىلىكتى ەكونوميست بولعانى ءجون شىعار؟ قازىر حالىقتىڭ الەۋمەتتىك جاعدايى تىم ناشار بولىپ كەتتى...

– پرەمەر-ءمينيستردىڭ مىندەتتى تۇردە ەكونوميست بولۋى شارت ەمەس. ەڭ باستىسى حالىقتىڭ سەنىمىنە يە ادام بولۋى كەرەك. ال ەندى ەكونوميكاعا جاۋاپتى مينيسترلىككە گەرمانيانىڭ ەكونوميكا ءمينيسترى بولعان ەرحارد ليۋدۆيگ سەكىلدى ادام كەرەك.

قازىرگى تاڭدا اسحات ايماعامبەتوۆ «امانات» پارتياسىنىڭ اتىنان دەپۋتاتتىققا ءتۇسىپ جاتىر. ءسىز ءوزىڭىز ايماعامبەتوۆتى دەپۋتات رەتىندە ەلەستەتە الاسىز با؟

– نەگىزى سول جاعى قيىن بولدى. اسحات ايماعامبەتوۆتىڭ دەپۋتات بولعانىنان گورى اتقارۋشى بيلىكتە وتىرعانى كوبىرەك پايدالى سەكىلدى.

ساناۋلى كۇندەردەن كەيىن ۇكىمەتتى كىم باسقاراتىنى انىقتالادى. ءاليحان سمايىلوۆ باسشىلىقتان كەتىپ، ونىڭ ورنىنا تەگەۋرىندى پرەمەر-مينيستر كەلە مە؟  ۇكىمەت قۇرامى جاڭارعان كۇندە مينيسترلەر كابينەتى حالىقتىڭ تۇرمىسىن تۇزەي الا ما؟ مىڭ سان ساۋالدىڭ جاۋابىن الداعى كۇندەرى بىلەتىن بولامىز.

سەرىك قۇدايبەرگەنۇلى

پىكىرلەر
Серіктестер/Партнеры
Студия IMA - создание сайтов Доставка цветов Астана - Lova Buket