2022 جىلدىڭ مامىر ايىندا ءوزىنىڭ تانىسىمەن بىرگە ومبىداعى اسكەري كوميسساريات عيماراتىن تۇتاندىرعىش قوسپانىڭ كومەگىمەن ورتەپ جىبەردى دەپ ايىپتالعان قازاقستان ازاماتى 13 جىلعا سوتتالدى. بۇل تۋرالى تاسس اگەنتتىگىنە رەسەي فەدەرالدىق قاۋىپسىزدىك قىزمەتىنىڭ ومبى وبلىسىنداعى رەسمي وكىلى يرينا رۋسناك ايتتى، دەپ حابارلايدى «ادىرنا» ءتىلشىسى.
«1-ءشى شىعىس اۋداندىق اسكەري سوتىنىڭ شەشىمىمەن اڭساعان مولداحمەتوۆ رەسەي فەدەراتسياسى قىلمىستىق كودەكسىنىڭ 205-بابىنىڭ 2-بولىمىندە كوزدەلگەن قىلمىستى جاساعانى ءۇشىن كىنالى دەپ تانىلدى، ياعني الدىن الا ءسوز بايلاسۋ ارقىلى وزگەلەرمەن بىرلەسىپ، عيماراتتى ورتەگەن، بۇل مۇلىكتىك زالالعا اكەپ سوقتىردى جانە ول 13 جىلعا باس بوستاندىعىنان ايىرىلىپ، جازاسىن قاتاڭ رەجيمدەگى كولونيادا وتەيدى»،—دەلىنگەن حابارلامادا.
سوت ايىپتالۋشىنىڭ بىلتىر مامىردا «Telegram ارقىلى انونيم قولدانۋشىدان 6 ملن تەڭگەگە اسكەري كوميسسارياتتى ورتەۋ تۋرالى ۇسىنىس العانىن» مالىمدەدى. تاپسىرمانى ورىنداعاننان كەيىن اڭساعان مولداحمەتوۆ چەليابينسك وبلىسىندا «قازاقستان اۋماعىنا ءوتۋ كەزىندە» ۇستالدى. ونىڭ سەرىكتەسىنە مەملەكەتارالىق ىزدەۋ جاريالاندى.
