2022 jyldyń mamyr aıynda óziniń tanysymen birge Ombydaǵy áskerı komıssarıat ǵımaratyn tutandyrǵysh qospanyń kómegimen órtep jiberdi dep aıyptalǵan Qazaqstan azamaty 13 jylǵa sottaldy. Bul týraly TASS agenttigine Reseı Federaldyq qaýipsizdik qyzmetiniń Omby oblysyndaǵy resmı ókili Irına Rýsnak aıtty, dep habarlaıdy «Adyrna» tilshisi.
«1-shi Shyǵys aýdandyq áskerı sotynyń sheshimimen Ańsaǵan Moldahmetov Reseı Federaııasy Qylmystyq kodeksiniń 205-babynyń 2-bóliminde kózdelgen qylmysty jasaǵany úshin kináli dep tanyldy, ıaǵnı aldyn ala sóz baılasý arqyly ózgelermen birlesip, ǵımaratty órtegen, bul múliktik zalalǵa ákep soqtyrdy jáne ol 13 jylǵa bas bostandyǵynan aıyrylyp, jazasyn qatań rejımdegi kolonııada óteıdi»,—delingen habarlamada.
Sot aıyptalýshynyń byltyr mamyrda «Telegram arqyly anonım qoldanýshydan 6 mln teńgege áskerı komıssarıatty órteý týraly usynys alǵanyn» málimdedi. Tapsyrmany oryndaǵannan keıin Ańsaǵan Moldahmetov Chelıabınsk oblysynda «Qazaqstan aýmaǵyna ótý kezinde» ustaldy. Onyń seriktesine memleketaralyq izdeý jarııalandy.
