توكيو ۇلتتىق مۋزەيىندە قازاق جازۋشىسى ساۋلە دوسجاننىڭ سەمەي پوليگونى تۋرالى جاپون تىلىندەگى كىتابىنىڭ تۇساۋكەسەرى ءوتتى، دەپ حابارلايدى "ادىرنا".
كىتاپتى قازاق تىلىنەن جاپون تىلىنە بەلگىلى اۋدارماشى ماسۋدجيما شيگەنوبۋ اۋدارعان.
شارا بارىسىندا قازاقستاننىڭ جاپونياداعى ەلشىسى سابر ەسىمبەكوۆ ەكى مەملەكەت اراسىنداعى ادەبي-مادەني بايلانىستى دامىتۋدىڭ، سونداي-اق قازىرگى قازاقستاننىڭ رۋحاني قۇندىلىقتارىن كورسەتۋدىڭ ماڭىزدىلىعىن اتاپ ءوتتى.
«جاپون-ەۋرازيا» قوعامىنىڭ باسشىسى سوكا گاككاي اتاپ وتكەندەي، قازاق جازۋشىسى سەمەي پوليگونىنداعى يادرولىق سىناقتىڭ قاسىرەتى تۋرالى رومان جازۋ ارقىلى يادرولىق قاۋىپ تۋرالى دابىل قاعىپ، قارۋسىز الەم تۋرالى سيپاتى ارقىلى ادامدارعا باتىلدىق پەن ءۇمىت ۇيالاتتى.
«ءبىز 40 جىلدان استام اتوم بومبالارىن سىناپ كەلەمىز. قازاقستان مەن جاپونيا ورتاق قاسىرەت پەن ورتاق ازاپتى ءبولىستى. ءبىز كەلەر ۇرپاق ءۇشىن يادروسىز الەم قۇرۋىمىز كەرەك»، - دەدى ساۋلە دوسجان.
قازاقستان دەلەگاتسياسى حيروسيماداعى بەيبىتشىلىك ساياباعىندا بولىپ، اتوم بومباسى قۇرباندارىنا ارنالعان ەسكەرتكىشكە گۇل شوقتارىن قويدى. ولاردى ءبىر مينۋت ۇنسىزدىكپەن ەسكە الدى.
جاپونياعا دەلەگاتسيا قۇرامىندا بەلگىلى سۋرەتشى كارىپبەك كۇيىكوۆ باردى. ونىڭ «جاساندى كۇن» انتيادرولىق تاقىرىبىنا سالعان سۋرەتتەرىنىڭ كورمەسى ءوتتى.
"ادىرنا" ۇلتتىق پورتالى
