Tokıo ulttyq mýzeıinde qazaq jazýshysy Sáýle Dosjannyń Semeı polıgony týraly japon tilindegi kitabynyń tusaýkeseri ótti, dep habarlaıdy "Adyrna".
Kitapty qazaq tilinen japon tiline belgili aýdarmashy Masýdjıma Shıgenobý aýdarǵan.
Shara barysynda Qazaqstannyń Japonııadaǵy Elshisi Sabr Esimbekov eki memleket arasyndaǵy ádebı-mádenı baılanysty damytýdyń, sondaı-aq qazirgi Qazaqstannyń rýhanı qundylyqtaryn kórsetýdiń mańyzdylyǵyn atap ótti.
«Japon-Eýrazııa» qoǵamynyń basshysy Soka Gakkaı atap ótkendeı, qazaq jazýshysy Semeı polıgonyndaǵy ıadrolyq synaqtyń qasireti týraly roman jazý arqyly ıadrolyq qaýip týraly dabyl qaǵyp, qarýsyz álem týraly sıpaty arqyly adamdarǵa batyldyq pen úmit uıalatty.
«Biz 40 jyldan astam atom bombalaryn synap kelemiz. Qazaqstan men Japonııa ortaq qasiret pen ortaq azapty bólisti. Biz keler urpaq úshin ıadrosyz álem qurýymyz kerek», - dedi Sáýle Dosjan.
Qazaqstan delegaııasy Hırosımadaǵy Beıbitshilik saıabaǵynda bolyp, atom bombasy qurbandaryna arnalǵan eskertkishke gúl shoqtaryn qoıdy. Olardy bir mınýt únsizdikpen eske aldy.
Japonııaǵa delegaııa quramynda belgili sýretshi Káripbek Kúıikov bardy. Onyń «Jasandy kún» antııadrolyq taqyrybyna salǵan sýretteriniń kórmesi ótti.
"Adyrna" ulttyq portaly
