ناتو الدا ەۋروپا مەن سولتۇستىك امەريكا ەلدەرىنىڭ بىرلەستىگى بولىپ قالا بەرمەك. بۇل تۋرالى اليانستىڭ باس حاتشىسى يەنس ستولتەنبەرگ The Washington Post گازەتىنە بەرگەن سۇحباتىندا ايتتى، دەپ حابارلايدى “ادىرنا” ۇلتتىق پورتالى.
"ناتو سولتۇستىك امەريكا مەن ەۋروپانىڭ اليانسى بولىپ قالا بەرەدى. ۇيىم ازيا ەلدەرىن قاتارىنا قابىلداپ، جاھاندىق ۇجىمعا اينالمايدى. ءارى ءبىزدىڭ ۇجىمدىق قاۋىپسىزدىك كەپىلدىگىمىز تەك ناتو قۇرامىنداعى مەملەكەتتەر اۋماعىنا عانا قاتىستى", — دەپ تۇسىندىرگەن ول.
سونىمەن قاتار، يەنس ستولتەنبەرگ ۋكراينانىڭ ناتو قۇرامىنا قاشان قوسىلاتىنىنا دا پىكىر بىلدىرگەن. سوزىنشە، ناقتى مەرزىم بەلگىلەنبەگەن، بىراق ۇيىمداعى بارلىق ەلدەر اليانسقا قابىلداۋدى قولداپ وتىرعان كورىنەدى.
