NATO alda Eýropa men Soltústik Amerıka elderiniń birlestigi bolyp qala bermek. Bul týraly alıanstyń bas hatshysy Iens Stoltenberg The Washington Post gazetine bergen suhbatynda aıtty, dep habarlaıdy “Adyrna” ulttyq portaly.
"NATO Soltústik Amerıka men Eýropanyń alıansy bolyp qala beredi. Uıym Azııa elderin qataryna qabyldap, jahandyq ujymǵa aınalmaıdy. Ári bizdiń ujymdyq qaýipsizdik kepildigimiz tek NATO quramyndaǵy memleketter aýmaǵyna ǵana qatysty", — dep túsindirgen ol.
Sonymen qatar, Iens Stoltenberg Ýkraınanyń NATO quramyna qashan qosylatynyna da pikir bildirgen. Sózinshe, naqty merzim belgilenbegen, biraq uıymdaǵy barlyq elder alıansqa qabyldaýdy qoldap otyrǵan kórinedi.
