قاسىم-جومارت توقاەۆ ەلورداداعى «اتامەكەن» ەتنو-مەموريال كەشەنىندە وتكەن مەملەكەتتىك تۋ كوتەرۋ راسىمىنە قاتىستى، دەپ حابارلايدى "ادىرنا". بۇل تۋرالى رەسمي سايتتا جازىلدى.
ء"بىز اسىل قۇندىلىقتارىمىزدى اياق استى ەتۋگە جول بەرمەيمىز. بيىل مەملەكەتتىك رامىزدەردى قورلاعان ادامداردى جازالاۋ شارالارى كۇشەيتىلدى. ءتۇسىندىرۋ جۇمىستارىنا ەرەكشە كوڭىل ءبولىنىپ جاتىر. وتانشىلدىق مەملەكەتتىك رامىزدەردى قاستەرلەۋدەن باستالادى. ءبىز ۇلتتىق نىشاندارىمىزدى ۇلىقتاۋ ارقىلى وسكەلەڭ ۇرپاققا ۇلگى-ونەگە كورسەتەمىز. ولاردى وتانسۇيگىشتىك، جاسامپازدىق رۋحتا تاربيەلەيمىز. سوندىقتان بۇگىنگى سالتاناتتى ءراسىمنىڭ تاعىلىمدىق، تاربيەلىك ءمانى ايرىقشا", – دەدى قاسىم-جومارت توقاەۆ رەسمي ءىس-شارادا.
قۇرمەت قاراۋىلى روتاسىنىڭ باستىعى راسىمگە دايىندىعى جونىندە پرەزيدەنتكە راپورت بەرىپ، سودان كەيىن مەملەكەتتىك ءانۇران شىرقالىپ، كوك بايراعىمىز كوتەرىلدى.
پرەزيدەنت قاسىم-جومارت توقاەۆ جينالعان قاۋىمدى مەملەكەتتىك رامىزدەر كۇنىمەن قۇتتىقتاپ، ولار ەگەمەندىك پەن ەلدىكتىڭ ەڭ باستى بەلگىسى ەكەنىن اتاپ ءوتتى.
"ادىرنا" ۇلتتىق پورتالى
