Qasym-Jomart Toqaev elordadaǵy «Atameken» etno-memorıal kesheninde ótken Memlekettik tý kóterý rásimine qatysty, dep habarlaıdy "Adyrna". Bul týraly resmı saıtta jazyldy.
"Biz asyl qundylyqtarymyzdy aıaq asty etýge jol bermeımiz. Bıyl memlekettik rámizderdi qorlaǵan adamdardy jazalaý sharalary kúsheıtildi. Túsindirý jumystaryna erekshe kóńil bólinip jatyr. Otanshyldyq memlekettik rámizderdi qasterleýden bastalady. Biz ulttyq nyshandarymyzdy ulyqtaý arqyly óskeleń urpaqqa úlgi-ónege kórsetemiz. Olardy otansúıgishtik, jasampazdyq rýhta tárbıeleımiz. Sondyqtan búgingi saltanatty rásimniń taǵylymdyq, tárbıelik máni aıryqsha", – dedi Qasym-Jomart Toqaev resmı is-sharada.
Qurmet qaraýyly rotasynyń bastyǵy rásimge daıyndyǵy jóninde Prezıdentke raport berip, sodan keıin Memlekettik ánuran shyrqalyp, Kók baıraǵymyz kóterildi.
Prezıdent Qasym-Jomart Toqaev jınalǵan qaýymdy memlekettik rámizder kúnimen quttyqtap, olar egemendik pen eldiktiń eń basty belgisi ekenin atap ótti.
"Adyrna" ulttyq portaly
