Memleket basşysy Qasym-Jomart Toqaev 5 qyrküiek künı «Astana» halyqaralyq qarjy ortalyǧyn basqaru jönındegı keŋes otyrysyn ötkızdı. Būl turaly Aqorda mälımdedı, dep habarlaidy “Adyrna” ūlttyq portaly.
Jiyn bastalǧanǧa deiın Qasym-Jomart Toqaev Qarjy ortalyǧynyŋ ekojüiesın damytuǧa zor üles qosqan qatysuşylar qyzmetımen tanysty.
Freedom Finance Global, China Construction Bank Corporation Astana filialy, Fix Price Group, Grata International jäne Binance Kazakhstan Technologies kompaniialarynyŋ basşylary öz qyzmetterınıŋ nätijelerın baiandap, investisiialyq jobalar, damu josparlary turaly mälımet berdı.
Memleket basşysy ötımdılık qor naryǧyn damytudyŋ negızgı körsetkışınıŋ bırı ekenın atap öttı
“Ony, eŋ aldymen, institusionaldyq investorlar qamtamasyz etedı. Qazır azamattardyŋ zeinetaqy jinaǧynyŋ 50 paiyzyna deiıngı bölıgın jeke investisiialyq basqaruşylarǧa beru boiynşa jūmys bastaldy. Osy oraida zeinetaqy aktivterı men AHQO-daǧy qarjy instituttaryna şeteldık investisiialyq basqaruşy kompaniialardyŋ qol jetkızuıne mümkındık beru jaiyn oilastyru qajet”, dedı Prezident.
Būl rette Memleket basşysy Ūlttyq bankke Ükımetpen, Qarjy naryǧyn retteu jäne damytu agenttıgımen, AHQO-men bırge kompaniialardy Ortalyqta lokalizasiialau boiynşa talaptardy küşeitu mümkındıkterın qarastyrudy ūsyndy.
Prezident şetel naryǧynda bır mezgılde ornalastyrylǧan jaǧdaida jergılıktı qor naryǧyndaǧy baǧaly
Qasym-Jomart Toqaevtyŋ aituynşa, kelesı basymdyq – bekıtılgen «oiyn erejesın» qataŋ saqtau
“Konstitusiialyq zaŋ kepıldık bergen AHQO-daǧy salyq rejimı Ortalyqty damytu strategiiasynyŋ maŋyzdy bölıgı sanalady. Ol jahan investorlary üşın Qazaqstannnyŋ tartymdylyǧyn arttyruda negızgı röl atqarady. Būl bızdıŋ tūraqty ūstanymymyz, odan bas tartpaimyz”, – dedı Memleket basşysy.
Prezidenttıŋ pıkırınşe, Qazaqstanda kömırtek naryǧyn damytu – memlekettık saiasattyŋ basym baǧyttarynyŋ bırı. Qazır Europa Odaǧy elderı kömırtek mehanizmderın şekarada retteudı engızuge daiyndalyp jatyr. Būl otandyq önımderdı Europaǧa eksporttauǧa edäuır kedergı keltıruı mümkın.
Memleket basşysy tötenşe jaǧdaiǧa qarsy tūrudyŋ tiımdı qarjylyq tetıgın qūru qajet ekenıne toqtaldy. Türlı memlekettık saqtandyru qorlary tabiǧi apattardyŋ saldarymen küresuge qoldau körsetuı kerek. Ükımet Qarjy naryǧyn retteu jäne damytu agenttıgımen, «Astana» halyqaralyq qarjy ortalyǧymen bırlesıp, Ortalyq iurisdiksiiasynda osy maqsattaǧy qor qūru mäselesın jan-jaqty zertteuı kerek.
