Memleket basşysy Qasym-Jomart Toqaev Qazaqstan halqyn Jeŋıs künımen qūttyqtady, dep habarlaidy "Adyrna".
Prezident bügın maidan dalasynda Otan üşın ot keşıp, erlık jasaǧan jauyngerlerge jäne tylda tabandy eŋbek etken ardagerlerge şynaiy rizaşylyq sezımmen taǧzym etetınızdı, qasırettı jyldardyŋ barlyq auyrtpalyǧyn qaiyspai köterıp, Jeŋıske jetken aǧa buynǧa airyqşa qūrmet körsetetımızdı basa atap öttı.
"Elımız ortaq Jeŋıske ölşeusız üles qosty. Ekınşı düniejüzılık soǧys kezınde milliondaǧan otandasymyz janqiiarlyqpen şaiqasty, aianbai jūmys ıstep, äskerdı kerek-jaraqpen qamtamasyz ettı. Jüzden astam jerlesımız "Daŋq" ordenınıŋ tolyq kavalerı atandy, bes jüz adam Batyr ataǧyn aldy, ondaǧan myŋ azamat jauyngerlık erlıgı jäne qajyrly eŋbegı üşın marapattaldy", - dedı Memleket basşysy.
Aǧa buynnyŋ öşpes daŋqy eşqaşan ūmytylmaidy. Jaujürek sardarlar men sarbazdardyŋ qūrmetıne memorialdar ornatyldy, kıtaptar şyǧarylyp, filmder tüsırıldı, sondai-aq köşelerge, mektepterge, muzeilerge, äuejailarǧa, äskeri bölımder men instituttarǧa el qorǧaǧan erlerdıŋ esımı berılıp jatyr.
"Qaharman ardagerlerımızdıŋ eren erlıgınıŋ män-maǧynasyn öskeleŋ ūrpaqtyŋ sanasyna sıŋıru – bügıngı buynnyŋ qasiettı paryzy. Bız erjürek maidangerlerdıŋ qaitpas qaisarlyǧy men asqaq ruhynyŋ arqasynda derbes ärı beibıt elde ömır sürıp kelemız, sondai-aq, töl mädenietımızdı damytyp, qazırgı zamannyŋ igılıgın sezınıp otyrmyz", - dedı prezident.
Memleket basşysy Qazaqstandy bükıl älem bıletının jäne qūrmetteitının, bız jaŋa Konstitusiia erejelerıne säikes Ädılettı Qazaqstandy qūryp jatqanymyzdy da jetkızdı. Ata zaŋymyz eşkımdı ūltyna, nanym-senımıne qarai bölıp-jarmaidy, barlyq azamattyŋ qūqyqtary men bostandyqtaryn bırdei qorǧaidy.
"Ūly Jeŋıs künı – eŋ aldymen, jauyngerlık erlıgı men jıgerlı eŋbegınıŋ arqasynda mamyrajai zamanǧa jetkızgen batyrlarymyzdyŋ esımın el jadynda jaŋǧyrtu künı. Būl – ūlan-asyr toiǧa emes, mändı ärı maǧynaly oiǧa şaqyratyn mereke. Halqymyzdyŋ beibıt ömırge jäne ösıp-örkendeuge ūmtylysynyŋ aiqyn körınısı ıspettes kök bairaǧymyz ärdaiym aşyq aspan astynda jelbıresın! Ūly Jeŋıs künı qūtty bolsyn!", - dedı Toqaev
