قاسىم-جومارت توقاەۆ ءوز مىندەتىن تيىسىنشە ورىنداماعانى ءۇشىن اباي وبلىسىنىڭ اكىمى نۇرلان ۇرانحاەۆقا سوگىس جاريالادى. بۇل تۋرالى اقوردا مالىمدەدى، دەپ حابارلايدى “ادىرنا” ۇلتتىق پورتالى.
"قاتەلىك كوپ. شۇعىل ارەكەتتىڭ جەتىسپەۋى، ماسەلەدەن سىرت قالۋىڭىز وسى اپاتقا اكەلدى. ءوزىڭىز دە وقيعا ورنىنا كەش جەتكەنىڭىزدى ماعان باياندادىڭىز. سوندىقتان جەرگىلىكتى اتقارۋشى ورگاننىڭ جۇمىسىنا كوڭىلىم تولمايدى. تۇسىنەمىن، وبلىس ەندى قۇرىلدى، ءسىز – جاڭا اكىمسىز. وسى سەبەپتى عانا سىزگە سوگىس جاريالايمىن.
نەگىزى، مۇنداي قاتەلىك ءۇشىن بىردەن قىزمەتتەن بوساتۋ كەرەك. ون ءتورت ادامنان ايىرىلىپ قالدىق. بۇل نە سىزگە، ويىنشىق پا؟ ولار قىزمەتتىك بورىشىن اتقارا ءجۇرىپ قازا تاپتى. قازىر ءسىزدىڭ مىندەتىڭىز – ۇكىمەتپەن بىرگە مەنىڭ ازاماتتارعا بەرگەن بارلىق ۋادەمنىڭ ورىندالۋىن قاداعالاۋ. ءسوز بەن ءىس قابىسۋ كەرەك. ءيا، مەن كوڭىل ايتتىم. بىراق ادامدارعا ناقتى كومەك كورسەتىلۋگە ءتيىس",- دەدى توقاەۆ.