مەملەكەت باسشىسى بالا قۇقىقتارى جونىندەگى ۋاكىل دينارا زاكيەۆانى قابىلدادى

976
Adyrna.kz Telegram
https://adyrna.kz/content/uploads/2025/05/cece893d-dd06-4415-bc77-865808ac57e7-960x500.jpeg?token=02712894c16cacd6cacde90ad81a5162

مەملەكەت باسشىسى قاسىم-جومارت توقاەۆ بالا قۇقىقتارى جونىندەگى ۋاكىل دينارا زاكيەۆانى قابىلدادى. بۇل تۋرالى اقوردا جازدى، دەپ حابارلايدى “ادىرنا”.

سوڭعى ەكى جىلدا بالالاردىڭ قۇقىقتارىن قورعاۋ جانە قاۋىپسىزدىگىن قامتاماسىز ەتۋ، زورلىق-زومبىلىقتىڭ، ءسۋيتسيدتىڭ جانە جاسوسپىرىمدەر اراسىنداعى قىلمىستىڭ الدىن الۋ ماقساتىندا بىرقاتار شارا قابىلدانىپ، باعدارلامالار مەن زاڭدار ازىرلەندى. اتالعان جۇمىس اياسىندا بالا قۇقىقتارى جونىندەگى ۋاكىلدىڭ باستاماسىمەن زاڭناماعا 120 تۇزەتۋ ەنگىزىلدى.

بيىل 13 وڭىردەگى جانە 73 ەلدى مەكەندەگى احۋالعا مونيتورينگ جۇرگىزىلگەنىن، سونىڭ ىشىندە 272 مەكەمەدەگى بالالارعا جاسىرىن ساۋالداما جاسالعانىن، 173 وتباسىدا تاربيەلەنىپ جاتقان جەتكىنشەكتەردىڭ جاعدايىمەن تانىسقانىن ايتتى. تەكسەرىس قورىتىندىسى بويىنشا بالا قۇقىقتارىن قورعاۋعا قاتىستى قابىلدانعان زاڭ نورمالارىن بۇزعان 171 دەرەك انىقتالعان.

ايماقتارداعى 112 وتباسىلىق قولداۋ ورتالىعىنىڭ ءتيىمدى جۇمىس ىستەپ جاتقانى بەلگىلى بولدى. ولار تۇرمىستىق زورلىق-زومبىلىقتىڭ الدىن

الۋ مەن بالالار قۇقىعىن قورعاۋ ماقساتىندا اشىلعان بولاتىن.

وبلىس اكىمدىكتەرى جانىنان بالا قۇقىقتارىن قورعاۋ جونىندەگى باسقارما قۇرۋ جۇمىستارى قولعا الىندى. سونداي-اق ولاردىڭ قىزمەتىن ايقىندايتىن زاڭ جوباسى ازىرلەنىپ جاتىر.

قازىرگى كەزدە «قازاقستان حالقىنا» قورى سەرىكتەستەرىمەن بىرگە 49 وڭالتۋ ورتالىعىن اشتى. بۇل مەكەمەلەردە ەرەكشە قاجەتتىلىكتەرى بار بالالارعا قىزمەت كورسەتىلەدى.

كەزدەسۋدە «قازاقستان بالالارى» باعدارلاماسىن ازىرلەۋ، ونلاين قاۋىپسىزدىكتى قامتاماسىز ەتۋ جانە كامەلەتكە تولماعان ازاماتتاردىڭ جەكە مالىمەتتەرىن قورعاۋ ماسەلەلەرى تالقىلاندى.

پرەزيدەنت بالا قۇقىقتارىن قورعاۋعا كەپىلدىك بەرۋ جۇيەسىن نىعايتىپ، جەتكىنشەكتەردى جان-جاقتى قولداۋ تەتىگىن قالىپتاستىرۋ ءۇشىن جەرگىلىكتى اتقارۋشى ورگاندار مەن وڭىرلىك ۋاكىلدەردىڭ كۇش-جىگەرىن جۇمىلدىرۋ ماڭىزدى ەكەنىنە نازار اۋداردى. سونىمەن قاتار مەكتەپتەردەگى ينكليۋزيۆتى ءبىلىم بەرۋ ءىسىن دامىتۋدى كوزدەيتىن قوسىمشا شارالار قابىلداۋدى تاپسىردى.

پىكىرلەر