Qasym-Jomart Toqaev öz mındetın tiısınşe oryndamaǧany üşın Abai oblysynyŋ äkımı Nūrlan Ūranhaevqa sögıs jariialady. Būl turaly Aqorda mälımdedı, dep habarlaidy “Adyrna” ūlttyq portaly.
"Qatelık köp. Şūǧyl ärekettıŋ jetıspeuı, mäseleden syrt qaluyŋyz osy apatqa äkeldı. Özıŋız de oqiǧa ornyna keş jetkenıŋızdı maǧan baiandadyŋyz. Sondyqtan jergılıktı atqaruşy organnyŋ jūmysyna köŋılım tolmaidy. Tüsınemın, oblys endı qūryldy, sız – jaŋa äkımsız. Osy sebeptı ǧana sızge sögıs jariialaimyn. Negızı, mūndai qatelık üşın bırden qyzmetten bosatu kerek. On tört adamnan aiyrylyp qaldyq. Būl ne sızge, oiynşyq pa? Olar qyzmettık boryşyn atqara jürıp qaza tapty. Qazır sızdıŋ mındetıŋız – Ükımetpen bırge menıŋ azamattarǧa bergen barlyq uädemnıŋ oryndaluyn qadaǧalau. Söz ben ıs qabysu kerek. İä, men köŋıl aittym. Bıraq adamdarǧa naqty kömek körsetıluge tiıs",- dedı Toqaev.
