«قازمۇنايگاز» ۇك اق (قمگ) باسقارما توراعاسى ماعزۇم مىرزاعاليەۆ لوندوندا ۇلىبريتانيانىڭ سىرتقى ىستەر جانە حالىقارالىق دامۋ مينيسترلىگى، سانكتسيالار جونىندەگى باسقارماسىنىڭ ديرەكتورى دەۆيد ريدپەن كەلىسسوز جۇرگىزدى، دەپ حابارلايدى "ادىرنا" ۇلتتىق پورتالى.
كەزدەسۋ بارىسىندا كاسپي قۇبىر كونسورتسيۋمى مۇناي قۇبىرى ارقىلى قازاقستاننىڭ ەنەرگيا كوزدەرىن ەۋروپاعا جەتكىزۋ ماسەلەسى تالقىلاندى.
قمگ باسشىسى ۇلىبريتانيانىڭ سىرتقى ساياسي مەكەمەسىنە ىنتىماقتاستىعى مەن تۇراقتى كەڭەسى ءۇشىن العىس ءبىلدىردى.
«الەمدەگى گەوساياسي احۋال كۇردەلەنگەن كەزدە سانكتسياعا بايلانىستى تاۋەكەلدەر قازاقستان مۇنايىن، اسىرەسە كقك قۇبىرى ارقىلى ۇزدىكسىز جەتكىزۋگە «كەدەرگى بولماۋى» اسا ماڭىزدى. بۇل ەكى تاراپقا دا ورتاق مۇددە بولعاندىقتان، وسى سەكىلدى كەزدەسۋدى سىندارلى تۇردە وتكىزۋىمىز دە ماڭىزدى»، – دەپ اتاپ ءوتتى م.مىرزاعاليەۆ.
قمگ باسقارما توراعاسى قر سىرتقى ىستەر مينيسترلىگى مەن قازاقستان ەلشىلىگىنىڭ ۇلىبريتانيالىق سەرىكتەستەرمەن تۇراقتى بايلانىس ۇستاۋداعى ەرەكشە ءرولىن اتاپ ءوتتى.
"ادىرنا" ۇلتتىق پورتالى
