بۋرابايداعى اۋقىمدى ارنايى وپەراتسيا. ءبىر توپ "رەكەت" ۇستالدى

2873
Adyrna.kz Telegram
https://adyrna.kz/content/uploads/2023/06/izobrazhenie_2023-06-14_101603452.png
اقمولالىق ۇيىمداسقان قىلمىسقا قارسى كۇرەس باسقارماسىنىڭ قىزمەتكەرلەرى بۋراباي كۋرورتتىق ايماعىندا ءبىر توپ "رەكەتتەردىڭ" ارەكەتىن توقتاتتى، - دەپ حابارلايدى "ادىرنا"  ءتىلشىسى Polisia.kz سايتىنا سىلتەمە جاساپ. ۇيىمداسقان قىلمىسقا قارسى كۇرەس باسقارماسىنىڭ قىزمەتكەرلەرى اۋقىمدى ارنايى وپەراتسيانىڭ ناتيجەسىندە ششۋچە قالالىق ءىىب-ءنىڭ ارنايى جاساقتارىنىڭ كۇشىمەن  ءبىر توپ جاس جىگىتتىڭ بوپسالاۋمەن اينالىسقان قىلمىستىق ارەكەتىنىڭ جولىن كەستى. تەكسەرىس بارىسىندا سوتتالۋشىلار جەرگىلىكتى تۇرعىنداردى، نەگىزىنەن جاستاردى ءموبيلدى بانكينگ ارقىلى قولما-قول اقشا جانە تاۋارلىق نەسيە بەرۋگە ماجبۇرلەگەنى، ال باس تارتقان جاعدايدا فيزيكالىق كۇش كورسەتۋمەن قورقىتقانى انىقتالدى. توپتىڭ قىلمىستىق ارەكەتى بويىنشا دالەلدەمەلەردى جيناۋ ءۇشىن ۋبوپ قىزمەتكەرلەرىمەن ارنايى جەدەل ءىس-شارالار جۇرگىزىلىپ، ناتيجەسىندە بوپسالاۋ، توناۋ، الاياقتىق فاكتىلەرى رەسمي تۇردە قۇجاتتالىپ، قىلمىستىق ىستەرگە تىركەلدى. ارنايى وپەراتسيا بارىسىندا پوليتسيا قىزمەتكەرلەرى ءتىنتۋ جۇرگىزىپ، سوتتالۋشىلاردىڭ ۇيالى تەلەفوندارىن تاركىلەدى. ءتورت دەرەك بويىنشا قر قىلمىستىق كودەكسىنىڭ 194-بابىنىڭ 1-بولىگى مەن 2-بولىگى «بوپسالاۋ» بويىنشا سوتقا دەيىنگى تەرگەۋ امالدارى جۇرگىزىلۋدە. سەگىز ايىپتالۋشى پوليتسياعا جەتكىزىلدى، ونىڭ تورتەۋى ۋاقىتشا ۇستاۋ يزولياتورىنا قامالدى. پوليتسيا ۇستالعانداردىڭ زاڭسىز ارەكەتتەرىنەن زارداپ شەككەندەردىڭ بارلىعىن انىقتاۋ ماقساتىندا كەشەندى جەدەل-ىزدەستىرۋ شارالارىن جۇرگىزىپ جاتىر.

"ادىرنا" ۇلتتىق پورتالى

پىكىرلەر