اتوم ەلەكتر ستانتسياسى (اەس) ماسەلەسى رەفەرەندۋمعا ۇسىنىلمايدى. بۇل تۋرالى ەنەرگەتيكا ۆيتسە-ءمينيسترى جاندوس نۇرماعانبەتوۆ سەنات وتىرىسىندا ايتتى، دەپ حابارلايدى “ادىرنا” ۇلتتىق پورتالى.
بۇل ماسەلە رەفەرەندۋمعا شىعارىلمايدى. بۇل - ءبىرىنشى. ەكىنشى، ەڭ ماڭىزدى ماسەلە – تەحنولوگيا مەن قارجىلىق-ەكونوميكالىق مودەل قالاي اسەر ەتەتىندىگىندە، - دەدى ەنەرگەتيكا ۆيتسە-ءمينيسترى جاندوس نۇرماعانبەتوۆ.
ودان كەيىن تىلشىلەر «روساتوم» بۇل جاعدايدا ءوز جەلىسىن بۇگىپ جاتىر ما؟» دەپ سۇرادى.
ەشكىم ونىڭ جولىن بوگەپ جاتقان جوق، بارلىق كومپانيالار ىنتىماقتاستىقتى ىزدەيدى. جاقىندا كورەيالىق كومپانيا كەلدى، ولارمەن ۇلكەن كەلىسسوزدەر جۇرگىزىلدى. قىتايدان ءبىز قازىر بۇل ماسەلە بويىنشا ۇسىنىستاردى كۇتىپ وتىرمىز، - دەدى ەنەرگەتيكا مينيسترلىگى باسشىسىنىڭ ورىنباسارى.
سونداي-اق، اتوم ەلەكتر ستانتسياسىنىڭ ۋاقىتى مەن ورنى 2023 جىلدىڭ ءبىرىنشى جارتىجىلدىعىندا شەشىلۋى ءتيىس ەكەنىن ايتتى.
وكىنىشكە قاراي، ءبىز ءالى شەشكەن جوقپىز. ەندى زاڭناماعا سايكەس ماسەلە قوعامدىق تىڭداۋدا، الماتى وبلىسىنىڭ ءماسليحاتىندا. بىردەڭە جەتىسپەيتىن شىعار. قازىر بىزگە تاعى دا جاڭا مينيستر كەلدى، بىراق ءبىز بۇل ماسەلەنى تالقىلاپ جاتىرمىز. سۇراقتار كوپ، ءبىز بارلىق ماسەلەنى قاراۋدامىز، - دەپ سەندىردى نۇرماعانبەتوۆ.
ايتا كەتەيىك، بۇعان دەيىن قازاقستان پرەزيدەنتى قاسىم-جومارت توقاەۆ اەس سالۋ قاجەت بولسا، بۇل ماسەلە رەفەرەندۋمعا شىعارىلاتىنىنا ۋادە بەرگەن بولاتىن.
ەسكە سالايىق، 19 مامىردا بەلگىلى ەكونوميست-ەنەرگەتيك، «KEGOC» كورپوراتسياسىنىڭ بۇرىنعى باسشىسى اسەت ناۋرىزباەۆ اەس جاقتاستارىنا بولاشاقتا جاسىل ەنەرگيا ءۇشىن 30 ەمەس، 70 تەڭگە تولەۋدى ۇسىنعان بولاتىن. ساراپشى اەس بويىنشا پرەزيدەنت ۋادە ەتكەن رەفەرەندۋمدى اشىق داۋىس بەرۋ ارقىلى وتكىزۋ قاجەت دەپ ەسەپتەيدى.
