ماڭعىستاۋداعى بالاباقشا مەملەكەتتىك ساتىپ الۋ پورتالىندا پرينتەردىڭ ءبىر داناسىن 10,7 ملن تەڭگەدەن
الماق بولعان. بۇل تۋرالى سىبايلاس جەمقورلىققا قارسى قىزمەت دەپارتامەنتى باسشىسىنىڭ ءبىرىنشى ورىنباسارى ءبىرجان حايرۋللين ايتتى، دەپ حابارلايدى «ادىرنا» ءتىلشىسى.
ۇقساس جاڭالىقتار
«وڭىردە مەملەكەتتىك ساتىپ الۋدى ءتيىمسىز جوسپارلايتىن مەكەمەلەر بار. مىسالى، تۇپقاراعان اۋداندىق ءبىلىم بولىمىنە قاراستى مەملەكەتتىك بالاباقشالاردىڭ ءبىرى 32,1 ملن تەڭگەگە 3 دانا پرينتەر ساتىپ الۋدى جوسپارلاعان. ياعني، پرينتەردىڭ ءبىر داناسىن 10,7 ملن تەڭگەدەن ساتىپ الۋدى كوزدەگەن. الايدا، جوعارىدا كورسەتىلگەن تاۋاردىڭ نارىقتاعى قۇنى - 100 مىڭ تەڭگە. دەپارتامەنت بەرگەن ۇسىنىم حاتتىڭ نەگىزىندە مەملەكەتتىك ساتىپ الۋ جوسپارى قايتا قارالىپ، 31 ملن تەڭگە قاراجات ۇنەمدەلدى»،-دەدى ول.ايتا كەتەيىك، مەملەكەتتىك ورگاندار مەن مەكەمەلەردىڭ، كۆازيمەملەكەتتىك سەكتور سۋبەكتىلەرىنىڭ ساتىپ الاتىن تاۋار نەمەسە قىزمەتتەرىنىڭ باعالارىنا مونيتورينگ مەملەكەتتىك ساتىپ الۋدىڭ جوسپارلاۋ ساتىسىندا جانە نارىقتىق كورسەتكىشتەرمەن سالىستىرۋ ارقىلى جۇرگىزىلەدى.
