استانادا رەسەيدىڭ ۋكرايناعا قارسى باسقىنشىلىعىنا اشىق تۇردە قارسى شىققان رەسەيلىك بەلسەندى اندرەي پاۆلوۆ ۇستالدى. بۇل تۋرالى قازاقستانداعى حالىقارالىق ادام قۇقىقتارى جونىندەگى بيۋروسى مالىمدەدى، دەپ حابايلايدى ”ادىرنا” ۇلتتىق پورتالى.
رەسەيدە وعان حالىقارالىق ىزدەۋ جاريالانعاندىقتان، ول 72 ساعاتقا قاماۋعا الىندى. وعان «اسكەردىڭ بەدەلىن ءتۇسىردى» دەگەن ايىپ تاعىلىپ وتىر.
ەكىنشى توپتاعى مۇگەدەك اندرەي پاۆلوۆ قازاقستانعا وتكەن جىلدىڭ سوڭىندا كەلگەن. 4 ماۋسىمدا رەسەيدە سىرتتاي ءتىنتۋ جانە قاماۋعا الۋ سالدارىنان ۇستالىپ، 72 ساعاتقا ۋاقىتشا ۇستاۋ يزولياتورىنا قامالدى. قازاقستاندىق حالىقارالىق ادام قۇقىقتارى بيۋروسى پاۆلوۆقا زاڭگەرلىك كومەك كورسەتۋدە، - دەدى بيۋرو وكىلدەرى.
ايتا كەتەيىك، ۇستالعان پاۆلوۆ وزىنە بوسقىن مارتەبەسىن بەرۋ تۋرالى ءوتىنىش جازعان.
