الماتى وبلىسىندا جاۋىن-شاشىن سالدارىنان تاس جولدى سۋ شايىپ كەتتى

2454
Adyrna.kz Telegram
https://adyrna.kz/content/uploads/2023/07/d5e20d5d-7564-4b28-9d1a-64b653acce7c.jpeg

جەلىدە الماتى وبلىسىندا جاڭبىر سالدارىنان رەسپۋبليكالىق تاس جولدىڭ ءبىر بولىگىن سۋ باسىپ قالعان ۆيدەو تارادى، دەپ حابارلايدى “ادىرنا” ۇلتتىق پورتالى. 

5 شىلدەدە ۇيعىر اۋدانىندا نوسەر جاۋىن سالدارىنان الماتى – كوكپەك – كوكتال تاس جولىنىڭ 216-220 شاقىرىمىندا اعىن سۋ ءجۇرىپ ءوتتى.

كۋاگەرلەر جاريالاعان ۆيدەوجازبالاردا جۇرگىزۋشىلەردىڭ جولدان قالاي وتە المايتۇرعانىن كورۋگە بولادى. 

قۇبىرلى وتكەلدەن سۋ اعىنى ءجۇردى. سونىڭ سالدارىنان

جولعا لاي جينالدى، ونىڭ كولەمى شامامەن 70 تەكشە مەتردى قۇرادى. "قازاقاۆتوجول" ۇلتتىق كومپانياسىنىڭ قىزمەتكەرلەرى ارنايى تەحنيكانىڭ كومەگىمەن تازارتۋ جۇمىستارىن جۇرگىزدى. قايتىس بولعاندار، زارداپ شەككەندەر مەن قيراندىلار جوق، - دەپ حابارلادى الماتى وبلىسى تجد ءباسپاسوز قىزمەتى.

ۆەدومستۆوداعىلار قازىر جولدىڭ اشىق ەكەنىن جانە كولىك قوزعالىسى قالىپتى رەجيمدە جۇرگىزىلىپ جاتقانىن حابارلادى.

پىكىرلەر