قاراعاندى وبلىسىندا بالالار ۋلاندى. ولاردىڭ بىرەۋى قايتىس بولدى، ال التاۋى جانساقتاۋ بولىمىندە جاتىر. بالالاردىڭ نەدەن ۋلانعانى انىقتالعان جوق. العاشقى تەكسەرۋ كەزىندە قاراعاندى وبلىسىنداعى بالالارعا ارناۋلى الەۋمەتتىك قىزمەت كورسەتۋ ورتالىعىندا جەتكىنشەكتەر تاماقتان ۋلانباعانى ايتىلدى، دەپ حابارلايدى "ادىرنا" ۇلتتىق پورتالى.
ورتالىقتا بولعان بالالاردىڭ نەدەن ۋلانعانى انىقتالماعانى جايلى دەنساۋلىق ساقتاۋ ۆيتسە-ءمينيسترى ايجان ەسماعامبەتوۆا ايتتى.
«كەشە بىزگە قاراعاندىدا بالالارعا ارنالعان مەديتسينالىق-الەۋمەتتىك مەكەمەدەن 12 بالانىڭ اۋرۋحاناعا تۇسكەنى تۋرالى اقپارات كەلدى. بۇل 12 بالاعا قازىر بەلگىسىز زاتتان ۋلانۋ دياگنوزى قويىلىپ وتىر، ياعني ۋلانۋدىڭ ناقتى سەبەبى بەلگىسىز. ونى انىقتاۋعا ۋاقىت كەرەك»، - دەدى ا. ەسماعامبەتوۆا ۇكىمەتتە تىلشىلەر سۇراعىنا جاۋاپ بەرە وتىرىپ.ونىڭ ايتۋىنشا، 12 بالانىڭ اراسىندا بىرەۋى كوز جۇمدى. التى بالا جانساقتاۋ بولىمىندە، بەس بالانىڭ جاعدايى ورتاشا اۋىر.
«سەبەپتى انىقتاۋ ءۇشىن ۋاقىت قاجەت. 30 شىلدە كەشكە قاراي بالالار اۋرۋحاناعا ءتۇستى، قالعاندارى 31 شىلدەدە كەلە باستادى. بۇعان دەيىن تاماقتان ۋلانعان دەگەن كۇدىك بولعانىمەن، باستاپقى تەكسەرۋ كەزىندە تاماقتان ۋلانۋعا ەش قاتىسى جوق ەكەنى انىقتالدى»، - دەدى ۆيتسە-مينيستر.بۇدان بۇرىن حابارلانعانداي، قاراعاندى وبلىسىنىڭ بالالارعا ارناۋلى الەۋمەتتىك قىزمەت كورسەتۋ ورتالىعىندا بالالاردىڭ جاپپاي ۋلانعانى بەلگىلى بولدى. وقيعا ورنىنا دەنساۋلىق ساقتاۋ ءمينيسترى اجار عينياتتىڭ اتتانعانى حابارلانادى.
"ادىرنا" ۇلتتىق پورتالى
