شىمكەنتتە ساتۋشىنى ۇرىپ-سوعىپ، دۇكەننەن گۇلدى الىپ كەتكەن ەكس-پوليتسەيدىڭ تاعى ءبىر بەينەجازباسى پايدا بولدى، دەپ حابارلايدى «ادىرنا» ءتىلشىسى.
جەلىدە تارالعان كادرلاردا ەر ادامنىڭ ءدامحانادا شۋ شىعارعانى كورسەتىلگەن.
وقيعا 16 مامىر كۇنى تۇركىستان قالاسىندا بولعان. ەكس-پوليتسەي تاماقتانۋ ورىندارىنىڭ بىرىنە بارىپ، قايتاردا ەسەپشوتتى تولەۋدەن باس تارتقان. ونىڭ بۇل قىلىعىنا ءدامحانا قىزمەتكەرلەرى نارازىلىقتارىن ءبىلدىرىپ، اقشانى الۋ ماقساتىندا ەسىكتى جاۋىپ قويعان. بۇعان
اشۋلانعان ەر ادام ەسىكتى بىرنەشە رەت تەۋىپ، ايقاي شىعارادى.
وبلىستىق پوليتسيا دەپارتامەنتى وقيعاعا قاتىستى تۇسىنىكتەمە بەردى.
ۇقساس جاڭالىقتار
«بەينەجازبا مامىر ايىندا تۇسىرىلگەن. ءدامحانا قىزمەتكەرلەرى ەسەپشوت داۋىنا بايلانىستى پوليتسيا قىزمەتكەرلەرىن دامحاناعا شاقىرتتى. پوليتسەيلەر كەلگەننەن كەيىن كليەنت ەسەپشوتتى تولەدى»،—دەپ ءتۇسىندىردى باسقارما.
<
