اقپارات جانە قوعامدىق دامۋ مينيسترلىگىنىڭ ءباسپاسوز حاتشىسى نۇربەك اميشا جۋرناليست ساندۋعاش دۇيسەنوۆانىڭ ۇستالعانى راستالعانىن مالىمدەدى. ايتۋىنشا، مينيسترلىك وقيعا بولعان ساتتەن ىشكى ىستەر ورگاندارىمەن بايلانىسىپ، ماسەلەنىڭ ءمان-جايىن بىلگەن، دەپ حابارلايدى «ادىرنا» ءتىلشىسى.
«جەتىسۋ وبلىستىق پوليتسيا دەپارتامەنتىنىڭ مالىمەتىنشە، ساندۋعاش تالدىقورعاندا جەكە ءومىر مالىمەتتەرىن تاراتۋ تۋرالى ارىز بويىنشا ۇستالىپ، ەشقايدا كەتپەۋ جانە ءتيىستى مىنەز-قۇلىق تۋرالى قولحاتپەن شىعارىلعان. قازىرگى تاڭدا تەرگەۋ جۇمىستارى جۇرگىزىلىپ جاتىر. مينيسترلىك ماسەلەنى نازاردا ۇستايدى جانە جۋرناليسكە قانداي دا قۇقىقتىق كومەك كورسەتۋگە دايىن»،—دەپ جازدى ول.