قاراعاندى وبلىسىندا جول اپاتىنان 3 ادام قايتىس بولدى، دەپ حابارلايدى “ادىرنا” ءتىلشىسى قازاقپاراتقا سىلتەمە جاساپ.
«الماتى – ەكاتەرينبۋرگ» تاس جولىندا 15 تامىز كۇنى جول-كولىك وقيعاسى بولدى. قايعىلى جاعداي قاراعاندى وبلىسى شەت اۋدانى اقسۋ-ايۋلى كەنتىنەن 50 شاقىرىم جەردە ورىن العان.
قاراعاندى وبلىسى پوليتسيا دەپارتامەنتىنىڭ حابارلاۋىنشا، جول اپاتىنان 41 جاستاعى «فولكسۆاگەن پاسسات» اۆتوكولىگىنىڭ جۇرگىزۋشىسى جانە ونىڭ ەكى جولاۋشىسى وقيعا ورىنىندا كوز جۇمعان. ال «شەۆرولە كوبالت» اۆتوكولىگىنىڭ جۇرگىزۋشىسى جانە ەكى كولىكتىڭ جەتى جولاۋشىسى اۋرۋحاناعا جەتكىزىلدى.
قازىر تەرگەپ-تەكسەرۋ جۇمىستارى ءجۇرىپ جاتىر.
ىشكى ىستەر مينيسترلىگىنىڭ مالىمەتىنشە، سوڭعى 5 جىل 74 مىڭنان استام جول-كولىك اپاتى بولعان. سالدارىنان 11 193 ادام قازا تاپتى. ونىڭ ىشىندە 8212 ەر ادام، 2974 ايەل، 1093 بالا مەرت بولدى.
ۇقساس جاڭالىقتار
