الماتىدا ءال-فارابي داڭعىلىنداعى جوندەۋ جۇمىستارى اياقتالدى، - دەپ حابارلايدى "ادىرنا" پورتالى.
ءال-فارابي داڭعىلىنىڭ دوستىقتان اسقاروۆ كوشەسىنە دەيىنگى 9 شاقىرىمنىڭ جوندەۋ جۇمىستارى ۋاقىتىنان بۇرىن - 16 تامىزدا اياقتالدى. باستاپقىدا جۇمىس 31 تامىزعا دەيىن جالعاسادى دەپ جوسپارلانعان. بريگادالاردىڭ كۇشەيتىلگەن رەجيمدە جۇمىس جاساعانىنىڭ ارقاسىندا جۇمىس مەرزىمىنەن بۇرىن اياقتالدى. تروتۋارلاردى جوندەۋ جۇمىستارى تامىزدىڭ اياعىنا دەيىن جالعاسادى.
"بۇگىندە ەسەنتاي وزەنى ارقىلى وتەتىن كوپىردە جۇمىس جۇرگىزىلىپ جاتىر. قايتا قۇرۋ اياقتالعاننان كەيىن، ۋچاسكەنىڭ ءجۇرىس بولىگىندە پوليمەرلى اسفالتبەتون جابىنىنىڭ جوعارعى قاباتى توسەلەدى. جول جۇمىستارىنىڭ باستالعانى تۋرالى قوسىمشا حابارلانادى", - دەدى اكىمدىك وكىلدەرى.
بيىل اكىمدىك ۇزىندىعى 200 شاقىرىمنان اساتىن 230 كوشەگە ورتاشا جوندەۋ جۇمىستارىن جۇرگىزۋدى جوسپارلاپ وتىر. الماتىدا بارلىعى 2746 كوشە بار، كوشە-جول جەلىسىنىڭ ۇزىندىعى 3097 شاقىرىم بولادى.
ەستەرىڭىزگە سالا كەتەيىك، بۇعان دەيىن اباي داڭعىلىنىڭ جوندەۋ جۇمىستارى اياقتالعان بولاتىن.
ءال-فارابي داڭعىلىندا سوڭعى ورتاشا جوندەۋ جۇمىستارى 2010 جىلى جۇرگىزىلگەن. نورماتيۆتىك جوندەۋارالىق مەرزىمنىڭ وتۋىنە بايلانىستى باستالعان تەكسەرۋ بارىسىندا اسفالتبەتون توسەمىندە شۇڭقىرلار، جارىقتار تورى، قيراۋ تۇرىندەگى اقاۋلار انىقتالىپ، جولدىڭ اعىمداعى جاي-كۇيى تۋرالى تەحنيكالىق قورىتىندى جاسالدى.
ۇقساس جاڭالىقتار
