Almatyda Äl-Farabi daŋǧylyndaǧy jöndeu jūmystary aiaqtaldy, - dep habarlaidy "Adyrna" portaly.
Äl-Farabi daŋǧylynyŋ Dostyqtan Asqarov köşesıne deiıngı 9 şaqyrymnyŋ jöndeu jūmystary uaqytynan būryn - 16 tamyzda aiaqtaldy. Bastapqyda jūmys 31 tamyzǧa deiın jalǧasady dep josparlanǧan. Brigadalardyŋ küşeitılgen rejimde jūmys jasaǧanynyŋ arqasynda jūmys merzımınen būryn aiaqtaldy. Trotuarlardy jöndeu jūmystary tamyzdyŋ aiaǧyna deiın jalǧasady.
"Bügınde Esentai özenı arqyly ötetın köpırde jūmys jürgızılıp jatyr. Qaita qūru aiaqtalǧannan keiın, uchaskenıŋ jürıs bölıgınde polimerlı asfaltbeton jabynynyŋ joǧarǧy qabaty töseledı. Jol jūmystarynyŋ bastalǧany turaly qosymşa habarlanady",
- dedı äkımdık ökılderı.
Biyl äkımdık ūzyndyǧy 200 şaqyrymnan asatyn 230 köşege ortaşa jöndeu jūmystaryn jürgızudı josparlap otyr. Almatyda barlyǧy 2746 köşe bar, köşe-jol jelısınıŋ ūzyndyǧy 3097 şaqyrym bolady.
Esterıŋızge sala keteiık, būǧan deiın Abai daŋǧylynyŋ jöndeu jūmystary aiaqtalǧan bolatyn.
Ūqsas jaŋalyqtar
Äl-Farabi daŋǧylynda soŋǧy ortaşa jöndeu jūmystary 2010 jyly jürgızılgen. Normativtık jöndeuaralyq merzımnıŋ ötuıne bailanysty bastalǧan tekseru barysynda asfaltbeton tösemınde şūŋqyrlar, jaryqtar tory, qirau türındegı aqaular anyqtalyp, joldyŋ aǧymdaǧy jai-küiı turaly tehnikalyq qorytyndy jasaldy.
