Basty bet
Jaŋalyqtar
Almaty oblysy qalai bölınetını belgılı boldy

Almaty oblysy qalai bölınetını belgılı boldy

01.04.2022

3986

https://adyrna.kz/content/uploads/2022/04/d9c8f8cc-c56e-45fb-95cf-cdfbf801e08f.jpeg

Almaty oblysynyŋ äkımı Qanat Bozymbaev oblys qalai bölınetının tüsındırdı.Bügın Taldyqorǧanda Almaty oblystyq mäslihatynyŋ kezekten tys XVI sessiiasy öttı. Oblystyq mäslihat hatşysy Janbolat Jorgenbaevtyŋ töraǧalyǧymen ötken otyrystyŋ kün tärtıbıne tört mäsele qaralǧan. Onyŋ ışınde bügınde özektı bolyp otyrǧan mäsele - Jetısu oblysyn qūru arqyly Almaty oblysyn bölu. Osy mäsele boiynşa oblys äkımı Qanat Bozymbaev deputattar aldynda söz söiledı. "Almaty oblysynyŋ ortalyǧy Taldyqorǧan jäne Jetısu oblysynyŋ ortalyǧy Qonaev qalasy bolyp bölınuı ekı öŋır damuyna serpın beredı. Qūrylaiyn dep jatqan Jetısu oblysynyŋ aimaǧyna 8 audan, 2 qala men 352 auyldyq okrugbolsa, Almaty oblysynyŋ qūramynda 9 audan, 1 qala men 380 auyldyq okrugbolady. Bız Prezidenttıŋ äkımşılık-aumaqtyq qūrylym turaly Jarlyǧyn qabyldau jönındegı ıs-qimyl algoritmın daiyndadyq", - dedı oblys äkımı.

Bozymbaevtyŋ sözınşe, oblysty bölu jönındegı jūmys komissiiasy qūryldy, oǧan oblystyq basqarmalar men aumaqtyq organdardyŋ tiıstı basşylary kırdı.

Eske salaiyq, 16 nauryzda Qazaqstan halqyna joldauynda Almaty oblysyn ekıge böludı ūsynǧan bolatyn.
"Almaty aglomerasiiasyna qatysty tüitkılder köp. Oblys tūrǧyndary negızınen qala töŋıregıne şoǧyrlanǧan. Ūzynaǧaştaǧy nemese Talǧardaǧy mäselenı sonau Taldyqorǧanda otyryp şeşu oŋai emes. Oblys ortalyǧyna baru üşın halyqtyŋ alysqa sabyluyna tura keledı. Osy jäne basqa da jaittardy eskere otyryp, Almaty oblysyn ekıge böludı ūsynamyn.

Būl öŋırde Jetısu jäne Almaty oblystary qūrylady. Almaty oblysynyŋ ortalyǧy Qapşaǧaida boluy kerek. Al, Jetısu oblysynyŋ ortalyǧy Taldyqorǧanda ornalasady. Būl qadamdar aimaqtardy damytu ısıne tyŋ serpın beredı dep sanaimyn", - degen edı Prezident.

Ūqsas jaŋalyqtar