21 عاسىر – الەۋمەتتىك جەلىنىڭ قارىشتاعان زامانى. سالدارىنان قوعام سەكۋند سايىن دامىپ، قاس قاعىم ساتتە ءتۇرلى وزگەرىستەر دە ورىن الىپ جاتىر. بۇگىندە قالىڭ بۇقاراعا ءتۇرلى باعىتتا ءدارىس وقىپ، بىلگەنىمەن بولىسكىش پسيحولوگ، ترەنەر-كوۋچتار كوبەيگەن. ءبىرى «ءوزىڭدى دامىت. تاۋەلسىز بول!» دەپ ۇندەسە، ەندىگى ءبىرى «ءدىن جولىن ۇستان، سوندا باقىتقا كەنەلەسىڭ!» دەيدى.
ارينە، بىلگەنىمەن ءبولىسۋ، ءوز ويىن ايتۋ، كەڭەس بەرۋ – ورىندى ءارى ءبىزدىڭ قوعامنىڭ زاڭىنا قايشى كەلمەيدى. دەگەنمەن جۇرتتى اۋزىنا قاراتىپ، لەتسياسىن وقيتىن كوۋچتار قانداي پوزيتسيانى ۇستانعان؟ بىلگەنىن قالاي ءبولىسىپ ءجۇر؟ ونى حالىق قالاي قابىلداۋدا؟ سان ساۋال وسى تۇبىرگە كەلىپ تىرەلەدى.
ينستاگرام، تيكتوك، يۋتۋب جانە وزگە دە الەۋمەتتىك جەلىلەردە قازىر كوۋچتاردىڭ پاراقشاسى قاپتاپ كەتكەن. كەيبىر پسيحولوگ، ترەنەرلەردىڭ ءوز اڭگىمەلەرىن اسىرەسە دىنمەن بايلانىستىرىپ ايتۋى، دىنگە قاتىستى اقىل-كەڭەس ۇسىنۋى ترەندكە اينالىپ كەتكەن سەكىلدى. حالىقتىڭ باسىم بولىگى مۇسىلمان بولىپ سانالاتىن ەلدە بۇل ارەكەت، ولاردىڭ پىكىرىنشە دۇرىس شىعار، ارينە. بىراق زايىرلى مەملەكەتتە كەز-كەلگەن ادامعا ءدىندى ناسيحاتتاپ، ءدارىس وقۋ زاڭدى ما؟
قازاقستان رەپسۋبليكاسىنىڭ «ءدىني قىزمەت جانە ءدىني بىرلەستىكتەر تۋرالى» زاڭىنىڭ 8 بابىنا سايكەس، ەلىمىزدىڭ ازاماتتارى، شەتەلدىكتەر جانە ازاماتتىعى جوق ادامدار ميسسيونەرلiك قىزمەتتi, ياعني ءدىندى ناسيحاتتاۋدى تەك تiركەۋدەن وتكەننەن كەيiن جۇزەگە اسىرادى.
ال ءبىزدىڭ كوۋچتاردىڭ ءدىني ساۋاتى قانشالىقتى جوعارى جانە ولار ءدىندى ناسيحاتتاۋعا رۇقساتى بار ءدىني قىزمەتكەرلەر مە؟
ودان بولەك، قازىرگى تاڭدا دىنمەن ۇشتاستىرىپ پسيحولوگيالىق كۋرس ساتاتىن كوۋچتاردىڭ كوبەيۋى قوعامعا قالاي اسەر ەتىپ جاتقانىن باقىلايىق. كوۋچ، پسيحولوگياعا بەت بۇرساڭىز ورتا ەسەپپەن 10 ماماننىڭ جەتەۋىنىڭ بازالىق دارىسىندە دىنگە قاتىستى جەكە ءبولىم بار. بۇگىندە پسيحولوگتاردىڭ ەڭ ءجيى كوتەرەتىن تاقىرىبى وتباسىنداعى ماسەلە مەن دىنگە بەت بۇرۋ بولىپ وتىر.
بىرنەشە پسيحولوگتىڭ دارىسىندە «ءوزىڭدى ەركىن سەزىنۋ ءۇشىن دىنگە بەت بۇر. ءدىندى قابىلداپ، سول ارقىلى ومىرىڭە ساراپتاما جاسا. ءدىن ارقىلى سەن كەز كەلگەن ماسەلەڭنىڭ شەشىمىن تاباسىڭ» دەگەن سىندى ءسوز تىركەستەرىن ەستيمىز. كەي وقىرماندار پسيحولوگ كوۋچتاردىڭ ارقاسىندا ءدىن جولىنا كەلگەنىن جارىسا جازسا، ەندىگى ءبىرى ماماندارعا كۇمانمەن قارايتىنىن جاسىرمايدى.
قازىرگى تاڭدا دىنمەن ۇشتاستىرىپ پسيحولوگيالىق كۋرس ساتاتىن كوۋچتاردىڭ كوبەيۋى، ولاردىڭ قوعامعا اسەرى، تيگىزەتىن زيانى مەن پايداسى تۋرالى بۇقارادان ساۋالناما الدىق. ساۋالناما قورىتىندىسى بويىنشا جاۋاپ الىنعان 25 تۇرعىننىڭ 60%-ى تانىمال ءتۇرلى كوۋچتار مەن پسيحولوگتاردى قارايتىنىن، ايتقان اقىلىنا جۇگىنەتىنىن جاسىرمادى.
ساۋالنامادان وتكەن ازاماتتاردىڭ 25%-ى پسيحولوگتار «ءدىندى دارىپتەۋ ارقىلى قوعامداعى ءداستۇردى، قازاقيلىقتى ۇمىتتىرىپ، حيدجاب ماسەلەسىن قايتا كوتەرىپ ءجۇر» دەگەن پىكىردە بولىپ شىقتى. ال 25 ادامنىڭ 3-ءى پسيحولوگتاردى قاراسا دا، اقپاراتتى ساراپتاي الاتىنىن ايتتى.
ءدىن – نورماتيۆتىك عىلىم ەمەس ەكەنىن ەستەن شىعارماۋ قاجەت. ءدىندى قولدانىپ ءدارىس وقيتىندار كوپ. دارىستەرىندە ءدىندى اشىق ناسيحاتتاپ، «40 كۇندىك دۇعا»، «ءدىن مەن سەنىم» سىندى ءتۇرلى اتاۋمەن ساباق جاسايتىندار دا از ەمەس.
سول سەبەپتى ءدىن ماسەلەسىنە قاتىستى سۇراق تۋىنداعان جاعدايدا رەسمي ءدىن وكىلدەرىنە جۇگىنۋگە كەڭەس بەرەمىز.
"ادىرنا" ۇلتتىق پورتالى
ۇقساس جاڭالىقتار
