شىمكەنتتىك پوليتسەي ميلليون تەڭگەسى بار ءامياندى يەسىنە قايتارىپ بەردى

2019
Adyrna.kz Telegram
https://adyrna.kz/content/uploads/2023/08/izobrazhenie_2023-08-31_183127442.png
شىمكەنتتە ۋچاسكەلىك پوليتسيا قىزمەتكەرى ميلليون تەڭگەسى بار جوعالعان ءامياندى يەسىنە قايتاردى، - دەپ حابارلايدى “ادىرنا” ءتىلشىسى Polisia.kz سايتىنا سىلتەمە جاساپ. اباي اۋداندىق ىشكى ىستەر باسقارماسىنا جەرگىلىكتى تۇرعىن ۋميدا ءابدىمۇتالىپوۆا كومەك سۇراپ ارىزدانعان. ايەلدىڭ ايتۋىنشا، ول ساۋدا ورتالىعىندا ساۋدا جاساپ ءجۇرىپ، كوپ اقشا، قۇجاتتار مەن بانك كارتالارى سالىنعان ءاميانىن جوعالتقان. ءبىر ساعاتقا جۋىق ءساتسىز ىزدەۋلەردەن كەيىن ايەل پوليتسيانىڭ كومەگىنە جۇگىنۋدى شەشتى. “بۇگىن ساۋدا ورتالىعىنا كەلگەن كەزدە مەن ءامياننىڭ جوعالعانىن ءبىلدىم، ونىڭ ىشىندە ءبىر ميلليون تەڭگەگە جۋىق اقشا بار. ءبىز ءبىر ساعاتتاي ءوزىمىز ىزدەستىردىك، سودان كەيىن پوليتسياعا حابارلاستىم. ۋچاسكەلىك پوليتسيا قىزمەتكەرى جوعالعان ءاميانىمدى تاۋىپ، ونى امان-ەسەن قايتارىپ بەردى. راحمەت»، - دەدى ول ءامياننىڭ ىشىندەگىسىن كورسەتىپ. “شاقىرۋ بويىنشا وقيعا ورنىنا №1 ۋچاسكەلىك ۋچاسكەنىڭ ينسپەكتورلارى كەلىپ، ولار ازاماتتان جاۋاپ العان سوڭ ونىڭ باعىتىن تارقاتا باستادى. ناتيجەسىندە جارتى ساعاتتىڭ ىشىندە پوليتسيا قىزمەتكەرى نۇربول تولەندىباەۆ ۇيلەردىڭ بىرىنەن كرەسلونىڭ استىنان ءاميان تاۋىپ الدى. ول تيەسىلى زاتتى زاڭدى يەسىنە قايتاردى»، - دەلىنگەن حابارلامادا. باقىتتى ايەل ءتارتىپ ساقشىسىنىڭ جەدەل جۇمىسى مەن ادالدىعى ءۇشىن شىنايى العىسىن ءبىلدىردى. ۋچاسكەلىك پوليتسيا قىزمەتكەرى ونىڭ كومەگىنە مۇقتاج جانداردىڭ ءۇمىتىن اقتاۋعا ارقاشان بار كۇش-جىگەرىن سالاتىنىن اتاپ ءوتتى.
 
پوسموترەت ەتۋ پۋبليكاتسيۋ ۆ Instagram
 

پۋبليكاتسيا وت ADYRNA.KZ - جاڭالىقتار (@adyrna.kz)

 
پىكىرلەر