تابيعاتقا قارسى قادام. اقش پەن كورەياعا "ەسكەرتۋ جاساعان" كحدر سارى تەڭىزگە قاناتتى زىمىران ۇشىردى

1424
Adyrna.kz Telegram

الەمدەگى ەكولوگيالىق پروبلەمالار ۋشىعىپ تۇرعان شاقتا كحدر سارى تەڭىزگە قاراي بىرنەشە قاناتتى زىمىران ۇشىرىپ الەك، دەپ حابارلادى "ادىرنا" ۇلتتىق پورتالى.

ەكى كۇن بۇرىن سولتۇستىك كورەيا وڭتۇستىك كورەياعا سەس كورسەتىپ، زىمىران ۇشىردى. بۇل قادامىن وڭتۇستىكتەگى كارىستەردىڭ اقش-پەن بىرلەسكەن اسكەري جاتتىعۋىنا جاۋاپ رەتىندە سيپاتتادى.

وڭتۇستىك كورەيا اسكەرىنىڭ مالىمەتى بويىنشا، زىمىراندار جەرگىلىكتى ۋاقىت بويىنشا سەنبى كۇنى، تاڭعى ساعات 4.00 شاماسىندا ۇشقان. قازىر سەۋل بيلىگى اقش-پەن بىرلەسە وتىرىپ سولتۇستىك كورەيا زىمىراندارىن زەرتتەپ،  ۇشقان بولشەكتەردى تالداپ جاتىر.

ناقتىراق ايتا كەتەيىك، 31 تامىزدا كحدر بيلىگى وڭتۇستىك كورەيانىڭ ارەكەتى "كوڭىلگە جاقپاعانىن" حابارلادى. ولار بارلىق يادرولىق وقتۇمسىقتاردى وڭتۇستىكتەگى كارىستەردىڭ تۇتاس ايماعىن جويىپ جىبەرۋگە باعىتتاعاندارىن جەتكىزدى.

پحەنيان بيلىگى مۇنى وڭتۇستىك كورەيا مەن اقش ارميالارىنىڭ ستراتەگيالىق B-1B بومبالاۋشىلارى قاتىسقان اسكەري جاتتىعۋلارىنا قارسى ارەكەت دەپ كورسەتتى. 11 كۇنگە سوزىلعان جيىندى "اقش-تىڭ يادرولىق شابۋىل جاساۋ جوسپارىنا تەڭ" دەپ باعالادى.

سونىمەن قاتار،  سولتۇستىك كورەيا ءبىر اپتا بۇرىن ءوزىنىڭ تىڭشى-سپۋتنيگىن عارىشقا شىعارۋعا ەكىنشى رەت وقتالدى.  دەگەنمەن ەكىنشى ۇشىرىلىم دا ءبىرىنشىسى سەكىلدى ءساتسىز بولدى.

"ادىرنا" ۇلتتىق پورتالى 

پىكىرلەر