قالا كۇنىنە وراي الماتى تورىندە بىرنەشە ءىس-شارالار ۇيىمداستىرىلىپ جاتىر. سونىڭ ءبىرى جىل سايىن ۇيىمداستىرىلاتىن "الما Fest" اتتى فەستيۆالى دە سوڭىنا تايادى، دەپ حابارلايدى "ادىرنا" ءتىلشىسى.
جىل سايىن قىركۇيەك ايىنىڭ ءۇشىنشى جەكسەنبىسىندە الماتىدا "قالا كۇنى" مەرەكەسى تويلانادى.
بيىل الاتاۋدىڭ ەتەگىندە ورنالاسقان مەگاپوليستىڭ 1007 جىلدىعىنىڭ قۇرمەتىنە ورايلاستىرىلعان جىل سايىن وتەتىن 12-ءشى قالالىق الما فەستيۆالى ءوتتى.
اۋقىمدى ءىس-شارا تۇڭعىش پرەزيدەنت ساياباعىندا ۇيىمداستىرىلدى. وسى رەتتە مەرەكەلىك شارا بارىسىندا قالا اكىمدىگىنىڭ قولداۋىمەن ءتۇرلى مادەني ءىس-شارالار ءوتىپ، ءتۇرلى سورتتى المالار ساتىلىمدا بولادى.
بيىل دا فەستيۆالگە كەلگەن قالا تۇرعىندارىنىڭ نازارىنا الما بازارى، مەيرامحانالار جارمەڭكەسى، سپورتتىق جانە كونتسەرتتىك باعدارلامالار ۇسىنىلدى.
الماتى وبلىسىنىڭ 4 اۋدانىنان بارلىعى 25 باۋ-باقشا سەرىكتەستىگى قاتىسقان. وبلىستىق شارۋاشىلىقتار ساتاتىن الما وتكەن جىلعى 100 توننادان 127 تونناعا كوبەيگەن.
سونداي-اق قالا تۇرعىندارى مەن قوناقتارى ءۇشىن ءتۇرلى مەرەكەلىك كونتسەرتتىك باعدارلامالار ۇيىمداستىرىلعان.
