اقپاراتتىق كەڭىستىكتە ساياساتكەرلەر، قوعام بەلسەندىلەرى مەن ازاماتتاردىڭ قازاقستان مەملەكەتىنىڭ ساياسي ياكي ءدىني قۇرىلىمىنا قاتىستى پىكىرتالاستارى جارىق كوردى. پىكىرتالاسقا قاتىسقان ازاماتتار قازاقستاننىڭ ساياسي ۇستانىمىن، ەلدەگى دىنگە قاتىستى پروتسەستەردى تالقىعا سالدى، دەپ حابارلايدى "ادىرنا" ۇلتتىق پورتالى.
جۇرگىزۋشى راحىم وشاقباەۆ، ساياساتكەر مۇحتار تايجان، زاڭگەر ولجاس بيليالوۆ جانە وقىتۋشى عازيز ابىشەۆ قاتىسقان سۇحباتتا قازاقستاننىڭ يسلام مەملەكەتىنە اينالۋى، شاريعات زاڭىنا باعىنۋى نەمەسە قۇقىقتىق مەملەكەت جولىمەن ءجۇرۋى سىندى ماسەلەلەر تالقىلانادى.
ء"سىز كەلەشەكتە قازاقستاننىڭ يسلام مەملەكەتىنە اينالعانىن قالايسىز با؟" دەگەن سۇراققا قاتىستى جاۋاپ بەرگەن العاشقى قونىق بۇل كۇننىڭ كەلۋىن "اسىعا كۇتەتىنىن" اشىق ايتتى. ساياساتكەر مۇحتار تايجان مۇنداي پىكىرگە قارسى شىعىپ، "يمان مەن سەنىم اركىمنىڭ جۇرەگىندە بولۋ قاجەت" ەكەندىگىن جەتكىزدى.
سونىمەن قاتار، ساياساتكەر قازاق توپىراعىندا يسلام حاليفاتىن قۇرۋدىڭ نەگىزسىز ەكەنىن العا تارتتى. مۇنىمەن قوسا، قازىرگى حاليفات ەلدەرىندەگى ءتۇرلى قيىندىقتاردى تالداپ، ادام قۇقىقتارىنىڭ اياققا تاپتالىپ جاتقانىن جەتكىزدى. تۇركيا مەملەكەتىنىڭ يسلامي مەملەكەتكە اينالعاندا ەمەس، اتاتۇرىك باسقارعان كەزدە گۇلدەنگەنىن ۇعىندىردى.
ساياساتكەر قازاقستاندى بىرتىندەپ حاليفاتقا اينالدىرۋ جوسپارىنىڭ "دومبىراعا قارسى شاۋىلمەن" بىرگە باستالىپ كەتكەنىن ايتادى.
"ادىرنا" ۇلتتىق پورتالى
