ايتىسكەر ايشولپان تىلەۋتاي ۇلتتىق اسپاپتى ارامعا تەڭەگەن بويجەتكەنگە پىكىر ءبىلدىردى

5612
Adyrna.kz Telegram
https://adyrna.kz/content/uploads/2023/09/f5937e06-22cf-494f-9e83-d700f4503ef6.jpeg

الەۋمەتتىك جەلىدە “دومبىرا - حارام” دەگەن بەلگىسىز قىزدىڭ بەينەجازباسى بەلىگىلى ايتىسكەر ايشولپان تىلەۋتاي پىكىر ءبىلدىردى. بۇل تۋرالى ول ءوزىنىڭ Instagram پاراقشاسىندا جسزبى، دەپ حابارلايدى “ادىرنا” ۇلتتىق پورتالى.

ايتىسكەر اقىن ۇلتتىق اسپاپقا قاتىستى ايتىلعان سوزدەرگە بەي-جاي قاراي المايتىنىن ايتتى.

“بابالارىمىزدىڭ قانشا عاسىر بويى جيناعان قۇندىلىقتارىن ءبىر ساتتە جوققا  بۇل شىعاراتىن قانداي دىن؟تۇسىنبەدىم. اقىرەتكە يمانىمىزبەن وتەمىز. ۇلتىمىزبەن وتپەيمىز دەيدى. مىنا قىزدىڭ باسى ابدەن اينالىپ، قيال الەمىنە ۇشىپ كەتىپتى. اللا نە ءۇشىن ءبىزدى ءار ءتۇرلى ۇلت ەتىپ جاراتتى؟ قازاقتان بالا تۋىلعاندا ءتۇرى دە، سارقىراپ اققان قانى دا، اتا- باباسىنان بەرىلگەن گەنى دە، قازاق دەپ تۇرمايدى ما؟ بۇل اقيقاتتان سەن باس تارتا المايسىڭ.

ال، دىنگە كەلسەك قۇراننىڭ قاي جەرىندە دومبىرا حارام دەپ جازىپتى؟ قانداي دالەلمەن سويلەپ وتىر بۇل قىز؟ عالىمداردىڭ ايتۋىنشا قۇراندا 6236 ايات بولسا، سونىڭ 550 اياتىنىڭ سىرىن عالىمدار اشىپتى. ونىڭ ءبىر عانا نەگىزى بار. سەن قۇداي الدىنا بارعاندا جۇرەكتىڭ تازالىعىن عانا سۇرايدى. دومبىرا ەسىرگەن ادامدى جونگە سالسا، جۇرەككە تىنىشتىق پەن مەيىرىم سىيلاسا، جۇرەك تازالىعى مەن ەمىنە قۇرال بولسا، بۇنىڭ نەسى حارام؟”، – دەپ جازدى ايشولپان تىلەۋتاي.

سونداي-اق، ول ۆيدەوداعى قىز ەش نەگىزسىز ۇكىم ايتىپ وتىرعانىن جازدى.

“وزدەرىڭىز بىلەسىزدەر ءدىني ساۋاتتى ۋاعىزشىلاردىڭ ارنايى رۇقسات قاعازى بولۋ ماڭىزدى. بۇل قاعاز ءۇشىن ادامدار قانشا جىل ۇزدىكسىز ءبىلىم الادى نەنىڭ اق، نەنىڭ قارا ەكەنىن تانىعان ساۋاتتى، ءبىلىمدى، ادامدار عانا الادى. دومبىرا ول ءجاي عانا مۋزىكالىق اسپاپ ەمەس،ول ءبىزدىڭ مادەنيەتىمىزدىڭ اجىراماس بولىگى. دومبىرا قازاقتىڭ جۇرەگى!

ءدىنى بار دا، ۇلتى جوق،

ساقالى بار دا، مۇرتى جوق.

تەكە ساقال، قىرما مۇرت،

ەلدىڭ تۇبىنە سول جەتەر...”، – دەپ ويىن ءماشھۇر ءجۇسىپ كوپەيۇلىنىڭ سوزىمەن اياقتادى.

ودان بولەك، جەلىدە وتىرىپ ۇكىم شىعاراتىن ادامداردىڭ جاۋاپقا تارتىلۋىن سۇرادى.

“مىنا قىز سەكىلدى اركىم كەلىپ، نە ءبىلىمى، نە ومىردە كورگەنى جوق وزگە اعىمداعى ازعىگداۋشى ادامداردىڭ ءسوزىن جاتتاپ الىپ، حالىققا وتىرىكتى شىنداي ايتاتىن ادامدارعا مەملەكەتتىڭ قۇزىرلى ورگاندارى نەگە جازا قولدانباي وتىر. كەيىنگى كەزدە جانىمىزدىڭ ءبىر بولشەگى، دومبىرامىزعا  جان-جاقتان شابۋىلدار كوبەيدى. دومبىرا – قازاقتىڭ جانى، رۋحى، تاريحى. قازاقتىڭ رۋحىن الۋ ءۇشىن ءبىرىنشى دومبىراسىن الۋ كەرەك. ال ءبىز رۋحىمىزدى، ۇلتىمىزدى، دومبىرامىزدى ەشكىمگە بەرمەيمىز، تاپتاتپايمىز”، – دەيدى ايتىسكەر.

پىكىرلەر